اقش پرەزيدەنتى دونالد ترامپ جاڭا جارلىققا قول قويدى, دەپ حابارلايدى Egemen.kz «ريا نوۆوستيگە» سىلتەمە جاساپ.
«اقش-تىڭ سىرتقى ساياساتىن, ۇلتتىق قاۋىپسىزدىگىن جانە تەرروريزمگە قارسى كۇرەس ماقساتتارىن ەسكەرە وتىرىپ, مەن كەلەسى 12 ەلدىڭ ازاماتتارىنا ەلگە تولىق كىرۋگە تىيىم سالۋ جانە شەكتەۋ قويۋ تۋرالى شەشىم قابىلدادىم: اۋعانستان, ميانما, چاد, كونگو رەسپۋبليكاسى, ەكۆاتورلىق گۆينەيا, ەريترەيا, گايتي, يران, ليۆيا, سومالي, سۋدان جانە يەمەن», دەلىنگەن قۇجاتتا.
جارلىقتا «بۇل شەكتەۋلەر اقش-قا يمميگراتسيالىق جانە يمميگراتسيالىق ەمەس ۆيزالار ارقىلى كەلەتىن شەتەل ازاماتتارىنا قاتىستى قولدانىلادى» دەپ ناقتىلانعان.
سونىمەن قاتار ترامپ اقش-قا كەلەسى جەتى ەلدىڭ ازاماتتارىنا كىرۋدى ءىشىنارا شەكتەگەن.
«مەن كەلەسى جەتى ەلدىڭ ازاماتتارىنا ەلگە كىرۋگە ءىشىنارا تىيىم سالۋ جانە شەكتەۋ قويۋ تۋرالى شەشىم قابىلدادىم: بۋرۋندي, كۋبا, لاوس, سەررا-لەونە, توگو, تۇرىكمەنستان جانە ۆەنەسۋەلا», دەلىنگەن قۇجاتتا.
بۇل شەكتەۋلەر ءارتۇرلى بولعانىمەن, ولار يمميگراتسيالىق تا, يمميگراتسيالىق ەمەس ۆيزالارعا دا قولدانىلادى.