كانادادا ورمان ورتتەرى كۇرت كۇشەيىپ, ەلدىڭ بىرنەشە ايماعىندا كۇردەلى جاعداي قالىپتاسقان. CBC تەلەارناسىنىڭ حابارلاۋىنشا, ساسكاچەۆان پروۆينتسياسىندا باستالعان الاپات ءورت سالدارىنان 400-دەن استام ءۇي جانىپ كەتكەن, دەپ حابارلايدى Egemen.kz.
تابيعي اپاتتىڭ سالدارىنان 9 مىڭعا جۋىق تۇرعىن قاۋىپسىز جەرگە ەۆاكۋاتسيالانعان. جەرگىلىكتى بيلىكتىڭ مالىمەتىنشە, ولاردىڭ سانى جاقىن كۇندەرى 15 مىڭ ادامعا دەيىن جەتۋى مۇمكىن.
ورمان ءورتى ساسكاچەۆانمەن عانا شەكتەلمەي, كورشىلەس البەرتا جانە مانيتوبا پروۆينتسيالارىنا دا تارالعان. ءتىلسىز جاۋ ەلدىڭ باتىس بولىگىندە ورنالاسقان ورمان القاپتارى مەن ەلدى مەكەندەرگە قاۋىپ ءتوندىرىپ وتىر. قازىرگى تاڭدا ءورت ءسوندىرۋ جانە قۇتقارۋ قىزمەتتەرى اپاتتى ايماقتاردا تاۋلىك بويى جۇمىس ىستەپ جاتىر.
ايتا كەتەيىك, جوعالعاندار مەن جاراقات العاندار تۋرالى ناقتى مالىمەتتەر ءالى جاريالانعان جوق.
كانادا ۇكىمەتى تابيعي اپاتتىڭ ناقتى سەبەپتەرىن انىقتاپ جاتىر. الايدا مامانداردىڭ ايتۋىنشا, اۋا رايىنىڭ تۇراقسىزدىعى مەن جاۋىن-شاشىننىڭ ازدىعى, سونداي-اق كليماتتىق وزگەرىستەر ورمان ءورتىنىڭ تارالۋىنا اسەر ەتۋى مۇمكىن.