ايگىلى «گارري پوتتەر» فيلمىندەگى پلاكسا ءميرتلدىڭ بەينەسىن كورگەندە جۇرت ونى ءجاسوسپىرىم قىز دەپ ويلادى. الايدا بۇل كەيىپكەردى سومداعان شوتلاند اكتريساسى شيرلي حەندەرسون ءتۇسىرىلىم كەزىندە 36 جاستا بولعان.
ءيا, تاڭعالماسقا شاراڭ جوق. ءشيرليدىڭ شەبەرلىگى سونداي, ول 13 جاستاعى وقۋشى قىزدىڭ بەينەسىن سونشالىق سەنىمدى الىپ شىققان, ءتىپتى كورەرمەندەر «ونىڭ جاسى ۇلكەن بولۋى مۇمكىن-اۋ» دەپ تە ويلامايدى. راسىمەن, تالانتتىڭ اتى تالانت قوي. بالكىم, بۇل تالاي جىلعى ەڭبەكتىڭ ناتيجەسى شىعار. ويتكەنى شيرلي 11 جاسىندا ساحناعا شىعىپ, اكتەرلىك جولىن ەرتە باستاعان. كەيىن لوندونداعى بەدەلدى درامالىق اكادەميادا وقىپ, ءتۇرلى فيلم مەن تەاتر قويىلىمدارىنا قاتىسقان. وسىلايشا, ول تاجىريبەسىن شىڭداي كەلىپ, «گارري پوتتەر» فيلمىندە باستى ءرولدىڭ ءبىرىن سومدادى. سودان باستاپ دارا دارىن كينو الەمىنىڭ جارىق جۇلدىزىنا اينالدى.