عارىشتىق زىمىرانداردى ۇشىرۋ كەزىندە قولدانىلاتىن كەرى ساناۋ ءادىسىن العاش ويلاپ تاپقان عالىمدار مەن ينجەنەرلەر ەمەس, كينەماتوگرافيستەر.
«ون...توعىز...سەگىز...جەتى...» دەپ باستالاتىن بۇل ءراسىم بۇگىندە عارىش ساپارىنىڭ قالىپتاسقان داستۇرىنە اينالدى. تاعاتىڭدى تاۋىسىپ, دىمىڭدى قۇرتاتىن وسى ءبىر ءتاسىل العاش رەت 1929 جىلى شىققان نەمىستىڭ «ايداعى ايەل» («Frau im Mond») اتتى عىلىمي-فانتاستيكالىق فيلمىندە قولدانىلعان. كورەرمەننىڭ قوبالجۋىن كۇشەيتەتىن بۇل ءادىس, ارينە, سول كەز ءۇشىن توسىن ءارى اسەرلى جاڭالىق ەدى. كەيىن ءدال وسى ەففەكت ناقتى عارىش سالاسىندا دا كورىنىس تاپتى. مىنەكي, بۇل – كينو ونەرىنىڭ عىلىمعا جاساعان عاجايىپ ىقپالىنىڭ ءبىر مىسالى.