پرەزيدەنت قاسىم-جومارت توقاەۆ 2022 جىلعى قىركۇيەكتە قازاقستان حالقىنا جولداۋىندا «جايلى مەكتەپ» ۇلتتىق جوباسىنا باستاماشى بولدى. باعدارلاما وقۋشى ورىندارىنىڭ تاپشىلىعىن ازايتۋعا, اپاتتى جانە ءۇش اۋىسىمدى مەكتەپتەردى جويۋعا, سونداي-اق قولجەتىمدىلىككە, قاۋىپسىزدىككە جانە تسيفرلاندىرۋعا باسا نازار اۋدارا وتىرىپ, بارلىق الەمدىك نورمالارعا سايكەس كەلەتىن بىرىڭعاي ستاندارت بويىنشا زاماناۋي وقۋ ورىندارىن سالۋعا باعىتتالعان.
بارلىق مەكتەپتەر تولىق قاعيدات بويىنشا جابدىقتالادى – بۇل قازىرگى زامانعى سىنىپتار, زەرتحانالار, شەبەرحانالار, كىتاپحانالار, سپورتزالدار, اسحانالار جانە ەرەكشە ءبىلىم بەرۋ قاجەتتىلىكتەرى بار بالالارعا ارنالعان بەيىمدەلگەن ورتا.
مەملەكەت باسشىسىنىڭ تاپسىرماسى بويىنشا 2025 جىلدىڭ سوڭىنا دەيىن ۇلتتىق جوبا اياسىندا جوبالىق قۋاتتىلىعى 460,4 مىڭ وقۋشىعا ارنالعان 300, 600, 900, 1200, 1500, 2000 جانە 2500 ورىندىق 217 جايلى مەكتەپ سالۋ جوسپارلانعان. ال 2024 جىلدىڭ قورىتىندىسى بويىنشا ونىڭ 105-ءى پايدالانۋعا بەرىلدى.
اۋىلدىق ايماقتارداعى مەكتەپتەردىڭ قۇرىلىسىنا ەرەكشە نازار اۋدارىلدى: جاڭا مەكەمەلەردىڭ شامامەن 40%-ى بۇرىن وقۋ ورىندارىنىڭ تاپشىلىعى سەزىلگەن جەرلەردە سالىنادى. بۇل قالالىق جانە اۋىلدىق مەكتەپتەر اراسىنداعى الشاقتىقتى ازايتۋعا جانە وڭىرلەردە بالالاردى وقۋ ءۇشىن لايىقتى جاعدايمەن قامتاماسىز ەتۋگە مۇمكىندىك بەرەدى.
جوبا باسىمدىقتارىنىڭ ءبىرى – ەرتە كاسىپتىك باعدار بەرۋ. باستاۋىش سىنىپتاردا كاسىبي سىنامالار, كاسىپ وكىلدەرىمەن كەزدەسۋلەر, جوبالىق اپتالارى وتكىزىلەدى. جوعارى سىنىپتاردا – تەرەڭ بەيىندەۋ, تالىمگەرلىك جانە جەكە ءبىلىم بەرۋ مارشرۋتتارى. ول ءۇشىن وقۋشىلارعا ءارى قاراي ءبىلىم بەرۋ باعىتى مەن ماماندىعىن سانالى تۇردە تاڭداۋعا كومەكتەسەتىن "مانساپ كومپاسى" تسيفرلىق پلاتفورماسى ەنگىزىلەدى.
وسىلايشا, «جايلى مەكتەپ» جوباسى ءبىلىم بەرۋ سالاسىنداعى مەملەكەتتىك ساياساتتىڭ ماڭىزدى ەلەمەنتى جانە قازاقستاننىڭ ادامي كاپيتالىن دامىتۋعا ۇزاق مەرزىمدى ينۆەستيتسيا بولىپ تابىلادى.