قاسىم-جومارت توقاەۆ تۇرىكمەنستان پرەزيدەنتىنە ءىلتيپات بىلدىرە وتىرىپ, ونىڭ ءبىرىنشى «ورتالىق ازيا – يتاليا» سامميتىنە قاتىسۋى مەملەكەتارالىق كوپقىرلى قارىم-قاتىناستاردى ودان ءارى ىلگەرىلەتۋ تۇرعىسىنان ماڭىزدى ەكەنىن اتاپ ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنتتىڭ پىكىرىنشە, قازىر استانا مەن اشحاباد اراسىنداعى ىنتىماقتاستىق وركەندەپ, كوپتەگەن نەگىزگى سالالاردا وڭ ديناميكا بايقالادى. سەردار بەردىمۇحامەدوۆ قاسىم-جومارت توقاەۆقا قوناقجايلىق تانىتقانى جانە «ورتالىق ازيا – يتاليا» ءسامميتىن تابىستى وتكىزگەنى ءۇشىن العىس ايتتى.
«ورتالىق ازيا ەلدەرى مەن يتاليا جوعارى دەڭگەيدەگى وسىنداي فورماتتا تۇڭعىش رەت كەلىسسوز جۇرگىزىپ وتىر. سامميت قورىتىندىسى مەملەكەتتەرىمىز اراسىنداعى ىنتىماقتاستىقتى كەڭەيتۋگە ىقپال ەتەتىنىنە سەنىمدىمىن» دەدى تۇرىكمەنستان پرەزيدەنتى.كەزدەسۋدە قاسىم-جومارت توقاەۆ حالك ماسلاحاتىنىڭ توراعاسى گۋربانگۋلى بەردىمۇحامەدوۆكە ىستىق ىقىلاسىن جولداپ, ونىڭ جاۋاپتى قىزمەتىنە تولاعاي تابىس تىلەدى.