وعان قالاداعى مەكتەپتەردەن 100-دەن استام جاس قاتىستى. «تۋريزم – ناشاقورلىققا قارسى» ۇرانىمەن ۇيىمداستىرىلعان شارادا جاستار كومانداسى ۆەلوسيپەدپەن كەدەرگىلى الاڭنان ءوتىپ, ارقاندى تۇيىندەي بايلاپ, تۋريستكە ءتان تاجىريبەنى مەڭگەرە باستاعاندارىن كورسەتتى, دەپ حابارلايدى Egemen.kz.
جەتى مەكتەپتەن كوماندا قاتىسقان فينالدىق سايىستا №15 مەكتەپ-ليتسەيىنىڭ قاتىسۋشىلارى كەدەرگىلەر جولاعىنان وتۋدە الدىنا جان سالماسا, №173 ورتا مەكتەپ كومانداسى قيىن بۇرىلىستاردان ۆەلوسيپەدتپەن ءوتۋدىڭ ۇلگىسىن كورسەتتى. ەڭ ۇزدىك كاپيتان №8 ورتا مەكتەپ كومانداسىنىڭ قۇرامىنان انىقتالدى.
جارىس ۇزدىكتەرىنە «جاستاردىڭ سپورتتىق تۋريزم جانە تۋريستىك كوپسايىس فەداراتسياسى», قىزىلوردا وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسى مەن قالالىق ءبىلىم ءبولىمى وكىلدەرى قۇرمەت كورسەتتى.