«جاسىل ەلدىڭ» جاڭا ماۋسىمى

سالاناتتى ءىس-شاراعا «جا­سىل ەل» جاستار ەڭبەك جاساق­تارىنىڭ رەسپۋب­ليكالىق, وبلىستىق شتاب باسشىلارى, ءار اۋداننىڭ جاستار ورتالىعى باسشىلارى مەن ەرىكتىلەر قاتىستى.

– «جاسىل ەل» جاساقتارىنىڭ رەس­پۋبليكالىق دەڭگەيدەگى اشىلۋ سالتا­ناتى 22-23 مامىر كۇندەرى اقتوبە قا­لاسىندا ءوتتى. وبلىستىق ماۋسىمنىڭ اشىلۋىن كۇرشىم اۋدانىندا وتكىزىپ جاتىرمىز. بيىل رەسپۋبليكا بويىنشا 30 مىڭعا جۋىق جاس ماۋسىم­دىق جۇمىسپەن قامتىلادى. جۇمىس ناتيجەسىن بەرىپ, قاتىسۋشىلار سانى جىلدان-جىلعا ارتىپ كەلە جاتقانى قۋانتادى, – دەدى «جاسىل ەل» جاستار ەڭ­بەك جاساقتارىنىڭ رەسپۋبليكالىق شتاب باسشىسى نۇراسىل بەكماتوۆ.

بيىل ۇيىمنىڭ جاساقتالعانىنا ­20 جىل بولدى. وسىعان وراي ەل كولە­مىن­دە ءتۇرلى شارالار, ەكولوگيا­لىق ناۋ­­قاندار, چەللەندجدەر جوسپارلان­عان. جەڭىمپازدار رەسپۋبليكالىق د­ەڭ­گەي­دە وتەتىن جابىلۋ سالتاناتىندا ­ما­را­­پاتتالماق.

وسى جيىرما جىلدا وبلىستىق «جاسىل ەل» شتابى ەلەۋلى ەڭبەك اتقا­رىپ, 14-35 جاس ارالىعىنداعى جۇمىس­سىز جاستار مەن ستۋدەنتتەردى جازعى ماۋ­سىمدا ەڭبەكپەن قامتىپ كەلەدى.

– بيىل شىعىس قازاقستان بويىن­شا مىڭعا جۋىق جاس جۇمىسپەن قام­تىلادى. ولار وزدەرى تۇراتىن جەر­دىڭ كوگالداندىرۋ, اباتتاندىرۋ جۇ­مىس­تارىنا بەلسەنە ارالاسىپ, 120 مىڭ تەڭگە جالاقى الادى. سونداي-اق ءتۇرلى اك­تسيا ۇيىمداستىرىلىپ, ماۋسىم سوڭىندا 10 اتالىم بويىنشا ۇزدىك­تەر ماراپاتتالادى. قازىر ءار قالا مەن اۋدان بويىنشا 13 جۇمىس بەرۋشىمەن كەلىسىم جاسالدى, جاستاردى جۇمىسقا ورنالاستىرۋعا دايىن, – دەدى «جاسىل ەل» وبلىستىق فيليالىنىڭ ديرەكتورى ماقسات كارىباەۆ.

ءىس-شارا سوڭىندا جيىنعا قاتىسۋ­شىلار ورتالىق ساياباقتا كوشەت ەگىپ, ۇلكەن كوپىردىڭ ماڭىندا تازالىق جۇ­مىستارىن جۇرگىزدى.

شىعىس قازاقستان وبلىسى