قوستاناي وبلىسىندا كۇرە جولدار مەن كوشەلەردى جوندەۋ, جول ينفراقۇرىلىمىن جاڭارتۋ بويىنشا اۋقىمدى جۇمىس اتقارىلىپ جاتىر, دەپ حابارلايدى Egemen.kz اقپارات اگەنتتىگى.
وبلىستىق كولىك جانە اۆتوموبيل جولدارى باسقارماسىنىڭ مالىمەتىنشە, بيىل وڭىردە جەرگىلىكتى ماڭىزى بار مىڭ شاقىرىمنان استام جول, سونداي-اق, 103 ەلدى مەكەندە 382 كوشە جوندەۋدەن وتەدى.
«بيىل جەرگىلىكتى ماڭىزعا يە اۆتوموبيل جولدارى مەن كوشەلەردى جوندەۋ جۇمىستارىنا 58,8 ملرد قارجى قاراستىرىلىپ وتىر. وبلىستىق جانە اۋداندىق ماڭىزعا يە اۆتوكولىك جولدارىنا 36,6 ملرد تەڭگە, كوشەلەردى جوندەۋگە 18,5 ملرد تەڭگە ءبولۋ جوسپارلاپ وتىرمىز», دەيدى باسقارما باسشىسى الماس ەسەنجولوۆ.
مۇنىڭ سىرتىندا, وڭىردە وبلىستىق ماڭىزى بار رۋدنىي – قاشار – فەدوروۆ ۇزىنكول – سارىكول باعىتىنداعى اۆتوكولىك جولدارىنىڭ توزىعى جەتكەن ۋچاسكەلەرىن قايتا جاڭعىرتۋ جۇمىستارى ءجۇرىپ جاتىر.
«بۇل جولدار كوپ جىلدان بەرى جوندەۋ كورمەي, ابدەن توزىپ اپاتتى جاعدايعا تۇسكەن. قايتا قالپىنا كەلتىرۋ جۇمىستارى اياقتالعان سوڭ, بۇل جول ۋچاسكەلەرى كولىك قوزعالىسى ءۇشىن قولايلى بولادى جانە وبلىس ىشىندەگى لوگيستيكانى جاقسارتادى», دەيدى ا.ەسەنجولوۆ.
قوستاناي وبلىسى