1958 جىلى ماو تسزەدۋن تورعايلارعا قارسى سوعىس جاريالادى, ولاردى ەگىستىكتەردى قۇرتادى دەپ ايىپتادى. وسى ايىپتاۋدىڭ سوڭىنان ىلە-شالا اسىعىس قادامدار جاسالدى...
قىتاي حالقى بۇل بۇيرىقتى ۇلكەن ىنتامەن ورىندادى: ادامدار شاتىرلارعا شىعىپ, شۇبەرەكپەن جەلپىپ, شۋ شىعارىپ, تورعايلاردىڭ قونۋىنا مۇمكىندىك بەرمەدى. قاناتتارى تالىپ, قونا الماعان تورعايلار اۋەدە قۇلاپ ءولدى. ولاردى ارنايى قابىلداۋ ورىندارىنا تاپسىرىپ وتىردى, ال بىرنەشە كۇن ىشىندە ميلليوننان استام تورعاي جويىلدى. بىرنەشە ايدان كەيىن ەل اۋماعىندا ءىس جۇزىندە جويىلىپ كەتتى.
بىراق كەلەسى جىلى اپات ورىن الدى. تابيعي جاۋى جوق جۇلدىزقۇرتتار ەگىستىكتەردى جاپپاي جويا باستادى. ناتيجەسىندە, جاپپاي اشارشىلىق باستالدى, ونىڭ اۋقىمىن ەكىنشى دۇنيەجۇزىلىك سوعىستاعى شىعىندارمەن سالىستىرۋعا بولاتىن ەدى.
كەز كەلگەن قۇبىلىستىڭ, اسىرەسە قارجى سالاسىنداعى ماسەلەنىڭ ەكى جاعى بار: وڭ اسەرى جانە تەرىس اسەرى. كەيدە ءبىز تەك تەرىس جاعىن كورىپ, سايكەسىنشە ارەكەت ەتەمىز. سالدارىن ويلامايمىز. سوندىقتان شەشىم قابىلداماس بۇرىن تالداۋ جاساۋ كەرەك.
مىسالى, شەشىمدى بيزنەس-تريز قۇرالىن قولدانا وتىرىپ جاساۋعا بولادى. وندا تالداۋ – بار بولعانى 1 ساعات ۋاقىتتى الادى. بارلىق ءىستى ىسىرىپ قويىپ, 1 ساعات تەك ماسەلەگە اكتسەنت قويىپ, جان-جاقتى سارالاۋ كەرەك. قازاقتىڭ الگى جەتى ولشەپ, ءبىر كەس دەيتىنى سول عوي. ەندى سۇراق بار. شەشىم شىعاراردا قانداي تالداۋلار قولدانىپ, قالاي ويلاناسىزدار؟