مەملەكەت باسشىسى CITIC Group كومپانياسى ديرەكتورلار كەڭەسىنىڭ توراعاسى سي گوحۋانى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەزدەسۋدە ەنەرگەتيكا, مۇناي-حيميا ونەركاسىبى, اۆتوجول قۇرىلىسى, مينەرالدى سەكتور, اۋىل شارۋاشىلىعى جانە باسقا دا نەگىزگى سالالارداعى سەرىكتەستىكتىڭ قازىرگى جاي-كۇيى مەن ونى نىعايتۋ پەرسپەكتيۆاسى تالقىلاندى
قاسىم-جومارت توقاەۆ اقتاۋ بيتۋم زاۋىتىن جاڭعىرتۋ جوباسىن ءتيىمدى ىسكە اسىرعانى ءۇشىن CITIC Group كومپانياسىنا العىس ايتتى.
ءوندىرىس ورنىنداعى جۇمىستار بيىل ءساۋىر ايىندا مەرزىمىنەن بۇرىن اياقتالدى.
مەملەكەت باسشىسى قازاقستاننىڭ سەنىمدى ينۆەستيتسيالىق سەرىكتەسى رەتىندە CITIC Group كومپانياسىنىڭ قىزمەتىنە جوعارى باعا بەردى.
سونداي-اق پرەزيدەنت قازاقستان مەن قىتاي اراسىنداعى ىسكەرلىك بايلانىستى نىعايتۋ بويىنشا بەلسەندى جۇمىس جۇرگىزۋدىڭ ماڭىزىن اتاپ ءوتتى.
«كورپوراتسيانىڭ مۇناي وڭدەۋ زاۋىتتارىن جاڭعىرتۋ, مۇناي قۇبىرلارىن تارتۋ, ورتالىق – باتىس اۆتوكولىك جولىن جوندەۋ, استىقتى تەرەڭ وڭدەۋ جوبالارىن بىرلەسىپ جۇزەگە اسىرۋعا نيەتتى ەكەنىن جەتكىزدى», دەپ اتاپ ءوتتى CITIC Group كومپانياسى ديرەكتورلار كەڭەسىنىڭ توراعاسى سي گوحۋا.