جەتىسۋ وبلىسىنىڭ 33 جانە 34 جاستاعى تۇرعىندارى قىتاي ازاماتىنا تيەسىلى كولىكتى گرۋزياعا جەتكىزىپ بەرەمىز دەگەن سىلتاۋمەن يەمدەنىپ, ساتىپ جىبەرگەن, دەپ جازادى Egemen.kz.
ولار جالپى 13 اۆتوكولىكتى يەمدەنىپ, جالپى سوماسى 314 ميلليون تەڭگەدەن استام ماتەريالدىق شىعىن كەلتىرگەن.
الاياقتاردىڭ العاشقى قۇربانى – قىتاي ازاماتى بولعان. ولار بۇل ازاماتقا اۆتوكولىكتەرىن گرۋزياعا جەتكىزىپ بەرەمىز دەپ ۋادە بەرىپ, ناتيجەسىندە التى كولىگىن الىپ كەتكەن. كەيىننەن Jetour ء(ۇش اۆتوكولىك), Mercedes C260, Mercedes C260L جانە Mercedes GLC 260L كولىكتەرىن شىمكەنت پەن جامبىل وبلىسىنا جەتكىزىپ, تانىستارىنا ساتقان.
قىلمىستىق توپ قۇرىعىنا كەلەسى رەتتە جەكە كاسىپكەرلەردى تۇسىرگەن. بۇل جولى ولار جەتى كولىكتى بەلارۋس ەلىنە جەتكىزىپ بەرۋگە ۋادە ەتكەن. بەس كولىك جامبىل وبلىسىنا جەتكىزىلىپ, الاياقتاردىڭ ورتاق تانىسىنا ساتىلسا, قالعان Range Rover مەن Mini Cooper SE الماتىدا ارزان باعامەن وتكىزىلگەن.قازىرگى تاڭدا الاياقتىق فاكتىسى بويىنشا قىلمىستىق ءىس سوتقا جولدانىپ, كۇدىكتىلەر قاماۋعا الىنعان.