قىتايدىڭ وڭتۇستىك وڭىرلەرىندە تولاسسىز جاۋعان جاڭبىر سۋ تاسقىنىنا ۇلاسىپ, گۋانسي-چجۋان اۆتونوميالىق اۋدانىندا كەمىندە التى ادامنىڭ ءومىرىن جالماپ, تاعى ەكى تۇرعىن ءىز-ءتۇزسىز جوعالعان, دەپ حابارلايدى Egemen.kz.
ەلدىڭ ۇلتتىق مەتەورولوگيالىق ورتالىعىنىڭ حابارلاۋىنشا, اۋا رايىنىڭ كۇرت ناشارلاۋى اسىرەسە گۋاندۋن پروۆينتسياسىنداعى گۋانچجوۋ مەن شەنچجەن قالالارىن قيىن جاعدايعا دۋشار ەتكەن. 700-دەن استام اۋە رەيسى كەيىنگە شەگەرىلىپ, مۇلدە توقتاتىلعان.
مەتەورولوگتار 27–29 مامىر ارالىعىندا قىتايدىڭ وڭتۇستىگىندە 2025 جىلدىڭ باسىنان بەرگى ەڭ كۇشتى جاۋىن-شاشىن بولادى دەپ بولجاپ وتىر. تابيعي اپاتتاردىڭ قاۋپى جوعارى دەڭگەيدە قالادى.
سوعان بايلانىستى جەكسەنبى كۇنى بيلىك يۋننان پروۆينتسياسىندا سۋ تاسقىنىنا بايلانىستى «كوگىلدىر» ەسكەرتۋ دەڭگەيىن جاريالاعان.