ەڭبەك جانە الەۋمەتتىك قورعاۋ مينيسترلىگى 1 مامىرداعى ەسەپ بويىنشا 43,4 مىڭ وتباسىنداعى 232,5 مىڭ ادامعا 10,4 ملرد سوماسىنا اتاۋلى الەۋمەتتىك كومەك تاعايىندالعانىن مالىمدەدى, دەپ جازادى Egemen.kz.
وسى ماقساتقا بيۋدجەتتەن 132,9 ملرد تەڭگە قاراستىرىلعان. قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا مانساپ ورتالىعىندا, اۋىل وكرۋگىنىڭ اكىمدىگىندە, سونداي-اق ەلەكتروندىق ۇكىمەت پورتالى (egov.kz) ارقىلى بەرە الادى.
ااك تاعايىنداۋ:
تابىسى كەدەيلىك شەگىنەن اسپايتىن ازاماتتارعا توقسان سايىن الەۋمەتتىك كومەك تاعايىنداۋ; تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1,5 اەك مولشەرىندە اي سايىنعى قوسىمشا تولەم بەرۋ. 2025 جىلعى 1 مامىرعا ااك الۋشىلار قاتارىنان مەكتەپ جاسىنا دەيىنگى 74,4 مىڭ بالاعا 1,4 ملرد تەڭگە سوماسىنا قوسىمشا تولەم تاعايىندالعان; جۇمىسقا ورنالاستىرۋ, ءوز ءىسىن اشۋعا نيەتتى وتباسىلارعا گرانتتار بەرۋ, بىلىكتىلىكتى ارتتىرۋ كۋرستارىنا جىبەرۋ (قاجەت بولعان جاعدايدا) جانە باسقالار ارقىلى جۇمىسپەن قامتۋعا جاردەمدەسۋدى كوزدەيدى.ايتا كەتەيىك, ااك تاعايىنداۋدىڭ نەگىزگى ماقساتى – اقشالاي تولەم تۇرىندە قولداۋدى جۇزەگە اسىرۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىرلىك جاعدايدان شىعارۋ.