ازىق-ت ۇلىك قاۋىپسىزدىگى مەن اۋىلدىق اۋماقتاردىڭ تۇراقتى دامۋى – قازىرگى زاماننىڭ باستى كۇن تارتىبىندەگى ماسەلەلەردىڭ ءبىرى. وسى باعىتتاعى ناقتى شەشىمدەردىڭ ءبىرى – باتىس قازاقستان وبلىسىندا جۇزەگە اسىرىلىپ جاتقان «Batys AgroHub» جوباسى. بۇل باستاما كپو ب.ۆ. كونسورتسيۋمىنىڭ اكتسيونەرلەرى – «Shell قازاقستان» جانە «Eni» كومپانيالارىنىڭ قولداۋىمەن ىسكە اسىرىلىپ وتىر.
2024 جىلى وسى جوبانىڭ اياسىندا ءبورلى, اقسۋ, ارالتال, پۋگاچيوۆو جانە پەپەل اۋىلدارىنىڭ ون تۇرعىنى جىلىجاي شارۋاشىلىعىن دامىتۋ ءۇشىن قايتارىمسىز گرانتتار الدى. جوبانىڭ باستى ماقساتى – اۋىل تۇرعىندارىنىڭ كاسىپكەرلىك بەلسەندىلىگىن ارتتىرىپ, جۇمىس ورىندارىن قۇرۋ جانە زاماناۋي اگروتەحنولوگيالاردى ەنگىزۋ ارقىلى اۋىل ەكونوميكاسىن جانداندىرۋ.
جىلىجاي شارۋاشىلىعى كەزدەيسوق تاڭدالعان باعىت ەمەس. جابىق توپىراق جاعدايىندا اۋىل كاسىپكەرلەرى تۇراقتى جانە ساپالى ءونىم الا الادى, اۋا رايىنىڭ قۇبىلمالى جاعدايلارىنان تاۋەلسىز بولىپ, ماۋسىمعا قاراماي كوكونىس وسىرۋگە مۇمكىندىك تابادى. قازىرگى تاڭدا جوبانىڭ قاتىسۋشىلارى قيار, قىزاناق, كوك ءشوپ پەن بۇرىش وسىرۋمەن اينالىسۋدا.
10 جەكە جىلىجاي سالىندى, ونىڭ ىشىندە 6 جىلىجاي يەسى قيار ءوسىرۋدى قولعا السا, قالعان 4 قاتىسۋشى كوشەت وتىرعىزۋ كەزەڭىن باستاپ جاتىر.
جوبا اياسىندا قاتىسۋشىلار تەك قارجىلاي قولداۋ عانا ەمەس, ماركەتينگ, اگروبيزنەس, ەكونوميكا جانە وسىمدىك شارۋاشىلىعى بويىنشا كەشەندى ءبىلىم الادى. ولار ءونىمدى وسىرۋدەن باستاپ, ونى ءتيىمدى وتكىزۋگە دەيىنگى ءاربىر قادامدى جوسپارلاۋدى مەڭگەرىپ, تۇراقتى تۇتىنۋشى بازاسىن قالىپتاستىرۋدى ۇيرەنۋدە.
جوبانىڭ ماڭىزدى ەرەكشەلىكتەرىنىڭ ءبىرى – قاتىسۋشىلاردىڭ الەۋمەتتىك ارالۋاندىعى. شارۋالارمەن قاتار, ءۇي شارۋاسىندا ۇزاق جىلدار وتىرعان ازاماتتار, ايەلدەر, كوپ بالالى اكەلەر مەن زەينەتكەرلەر دە گرانت يەگەرى اتاندى. ولار ەندى تەك جەكە ءىسىن اشىپ قانا قويماي, اۋدان ەكونوميكاسىنىڭ دامۋىنا ناقتى ۇلەس قوسىپ وتىرعان قاراپايىم اۋىل تۇرعىندارىنا اينالدى.
پۋگاچيوۆو اۋىلىنىڭ تۇرعىنى ايگۇل جاناباەۆا ءوز تاجىريبەسىمەن بولىسەدى:
«گرانت پەن وقىتۋدىڭ ارقاسىندا مەن جىلىجاي سالىپ قانا قويماي, ءوز ءىسىمدى جولعا قويدىم. بۇل ماعان ەركىندىك, ەرتەڭگى كۇنگە سەنىم بەرىپ, ەكى كورشىمدى جۇمىسقا الۋعا مۇمكىندىك بەردى».
جوبانىڭ تاعى ءبىر ارتىقشىلىعى – تاجىريبە الماسۋ ورتاسىنىڭ قالىپتاسۋى. قاتىسۋشىلار تەك جاڭا نارسەنى ۇيرەنىپ قانا قويماي, ءوز تابىستارىمەن ءبولىسىپ, اۋىل كاسىپكەرلەرى اراسىندا ىنتىماقتاستىق پەن ءوزارا قولداۋ اتموسفەراسىن ورناتۋدا.
«Batys AgroHub» – بۇل ىسكەرلىك پەن الەۋمەتتىك جاۋاپكەرشىلىكتىڭ ۇيلەسىمدى ۇلگىسى. جوبانىڭ جۇزەگە اسىرىلۋى «Shell» جانە «Eni» كومپانيالارىنىڭ كورپوراتيۆتىك الەۋمەتتىك جاۋاپكەرشىلىك (كاج) باعدارلاماسى اياسىندا مۇمكىن بولدى. بۇل باستاما ءىرى بيزنەستىڭ جەرگىلىكتى قاۋىمداستىقتارعا ناقتى پايدا اكەلەتىن, ۇزاق مەرزىمدى جانە تۇراقتى جوبالاردى قولداي الاتىنىن دالەلدەدى.
2025 جىلى جوبانىڭ اياسىن كەڭەيتىپ, وزگە اۋىلداردان دا جاڭا قاتىسۋشىلاردى تارتۋ جوسپارلانۋدا. سونىمەن قاتار, كوكونىس ونىمدەرىن وڭدەۋ ورتالىعىن جانە لوگيستيكالىق حاب قۇرۋ ارقىلى ونىمدەردى ورال مەن باسقا قالالاردىڭ نارىقتارىنا ءتيىمدى جەتكىزۋ كوزدەلىپ وتىر.
جىلىجاي شارۋاشىلىعىن دامىتۋ – بۇل تەك جاڭا تەحنولوگيا ەمەس, بۇل اۋىل تۇرعىندارى ءۇشىن ەكونوميكالىق دەربەستىككە, تۇراقتى تابىسقا جانە قاۋىمداستىقتىڭ جالپى ءال-اۋقاتىنىڭ ارتۋىنا اپاراتىن جول. «Batys AgroHub» جوباسى – ناقتى قولداۋدىڭ, ءبىلىم مەن ىنتىماقتاستىقتىڭ اۋىل ومىرىنە قانشالىقتى وڭ وزگەرىس اكەلەتىنىن كورسەتەتىن جارقىن مىسال.