استانادا «ايبىن» جاستار سايىسىنا ىرىكتەۋ كەزەڭىنىڭ جەڭىمپازدارى اتالدى

جاس پاتريوتتار بەلتەمىرگە (ۇلداردا) تارتىلۋ, ءىشتى قاتايتۋ (قىزدار), اسكەريلەندىرىلگەن كروسس, ارقان تارتۋ, پنەۆماتيكالىق مىلتىقتان اتۋ, اك-74 اۆتوماتىن ءىشىنارا قۇراستىرىپ-بولشەكتەۋ, جالپى اسكەري قورعانىس جيىنتىعىن كيۋ جانە Smart Sarbaz زياتكەرلىك ويىندارى سياقتى پاندەردە باعىن سىنادى.

– ءۇش كۇندىك دالالىق جيىن بارىسىندا «ايبىن» XI حالىقارالىق اسكەري-پاتريوتتىق جاستار جيىنىندا استانانىڭ نامىسىن قورعايتىن ۇزدىك ءۇش كوماندانى انىقتادىق. بيىل بۇل سايىس ۇلى جەڭىستىڭ 80 جىلدىعىنا جانە ءاليا مولداعۇلوۆانىڭ تۋعانىنا 100 جىل تولۋىنا ورايلاستىرىلىپ وتىر, – دەدى «جاس سارباز» اسكەري-پاتريوتتىق قوزعالىسىنىڭ ەلوردالىق فيليالىنىڭ توراعاسى اسحات نالشىبەك.

جارىس قورىتىندىسىنا كەلسەك, ءبىرىنشى ورىندى «سارايشىق» اۋدانىنىڭ «اقسۇڭقار» كومانداسى, ەكىنشى ورىندى – «سارىارقا-2» اۋدانىنىڭ كومانداسى, ءۇشىنشى ورىندى – ء«ۇمىت» اسكەري-پاتريوتتىق كلۋبىنىڭ تاربيەلەنۋشىلەرى جەڭىپ الدى.

بۇدان وزگە ىرىكتەۋ تۋرىنا 7 كوماندا قۇرامىندا 150 ۇل-قىز قاتىسقانىن ايتا كەتەلىك.