قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى گەنەرال-لەيتەنانت سۇلتان قامالەتدينوۆتىڭ باسشىلىعىمەن قازاقستان قارۋلى كۇشتەرىنىڭ دەلەگاتسياسى انكارا قالاسىنا باردى. سۇلتان قامالەتدينوۆ تۇركيا قورعانىس ءمينيسترى ياشار گيۋلەرمەن جانە تۇركيا قارۋلى كۇشتەرى باس شتابىنىڭ باستىعى ارميا گەنەرالى مەتين گيۋراكپەن كەزدەستى, دەپ حابارلايدى Egemen.kz.
قورعانىس مينيسترلىگىنىڭ ءباسپاسوز قىزمەتىنىڭ مالىمدەۋىنشە تاراپتار ەكىجاقتى اسكەري ىنتىماقتاستىقتىڭ اعىمداعى جاي-كۇيى مەن پەرسپەكتيۆالىق باعىتتارىن, وڭىرلىك قاۋىپسىزدىك ماسەلەلەرىن تالقىلادى. اتاپ ايتقاندا, اسكەري وقۋ-جاتتىعۋلاردى وتكىزۋ, ءبىلىم بەرۋ, تىلدىك دايىندىق جانە بىتىمگەرلىك قىزمەت سالاسىنداعى ىنتىماقتاستىق تۋرالى ءسوز بولدى. سونداي-اق, قارۋ-جاراق پەن اسكەري تەحنيكانى ساتىپ الۋ جانە ءوندىرۋ بويىنشا بىرلەسكەن جوبالارعا قاتىستى ماسەلەلەر قوزعالدى.
كەزدەسۋلەردە ەكىجاقتى ىنتىماقتاستىقتىڭ, ونىڭ ىشىندە سەرىكتەستىكتىڭ جوعارى دەڭگەيىن كۋالاندىراتىن ءوزارا ساپارلاردىڭ وڭ ديناميكاسىن اتاپ ءوتتى.
ساپار بارىسىندا گەنەرال-لەيتەنانت سۇلتان كامالەتدينوۆ تۇركيانىڭ جوعارى اسكەري وقۋ ورىندارىندا وقيتىن وتاندىق كۋرسانتتارمەن كەزدەستى.
قازاقستان دەلەگاتسياسى تۇركيانىڭ اسكەري نىساندارى مەن قورعانىس-ونەركاسىپ كەشەنى كاسىپورىندارىندا بولدى.