برازيليا دجۋنگليىندە ءومىر سۇرەتىن پيراحان تايپاسىنىڭ تىلىندە سان ەسىمدەر اتىمەن جوق. ولار تەك «از», «كوبىرەك», «كوپ» دەگەن ۇعىمدارمەن شەكتەلەدى. سوندىقتان ءبىر مەن ەكىنىڭ ايىرماسىن ناقتى ايتا المايدى.
لينگۆيست عالىم دەنيەل ەۆەرەتت بىرنەشە اي بويى ولارعا ساناۋدى, ءتىپتى 1+1 ەسەبىن ۇيرەتۋگە تىرىسقانىمەن, ەشقانداي ناتيجە بولماعان. ويتكەنى بۇل — ولاردىڭ ءتىلى مەن دۇنيەتانىمىنا ەش ساي كەلمەيتىن تۇسىنىك. سونداي-اق پيراحان تىلىندە تۇستەردىڭ اتاۋى جوق. مىسالى, قىزىلدى «قان سياقتى», جاسىلدى «جاپىراققا ۇقسايدى» دەپ سيپاتتايدى. ولار ءۇشىن الەم ناقتى ساندار مەن اتاۋلاردان ەمەس, تابيعي بەينەلەردەن تۇرادى.