22 مامىر كۇنى تاڭەرتەڭ ەلىمىزدىڭ بارلىق وڭىرىندە ەسكەرتۋ جۇيەسىنىڭ جۇمىسىن تەكسەرۋ ماقساتىندا دىبىستىق دابىل بەلگىسى وينايدى. بۇل – ء«ورت-2025» وقۋ-جاتتىعۋى اياسىندا وتەتىن جوسپارلى شارا, دەپ حابارلايدى Egemen.kz.
قازاقستاندا 22–23 مامىر ارالىعىندا ء«ورت-2025» رەسپۋبليكالىق كوماندالىق-شتابتىق وقۋ-جاتتىعۋى وتەدى. جاتتىعۋ توتەنشە جاعدايلار كەزىندەگى باسقارۋ ورگاندارى مەن ازاماتتىق قورعاۋ قۇرىلىمدارىنىڭ ءوزارا ءىس-قيمىلىن پىسىقتاۋعا باعىتتالعان.
پاۆلودار وبلىسى توتەنشە جاعدايلار دەپارتامەنتىنىڭ مالىمەتىنشە, بيىلعى وقۋ-جاتتىعۋدىڭ ۇيلەستىرۋ جانە باسقارۋ ورتالىعى وسى وڭىردە ورنالاسقان. 22 مامىر كۇنى ساعات 9:00-دە ەل اۋماعىندا دابىل بەلگىسى قوسىلىپ, جۇيەنىڭ تەحنيكالىق دايىندىعى تەكسەرىلەدى.توتەنشە جاعدايلار قىزمەتى تۇرعىنداردان سابىر ساقتاپ, ۇرەيگە بوي الدىرماۋدى سۇرايدى. بۇل – الدىن الا جوسپارلانعان وقۋ-جاتتىعۋ ەكەنىن ەسكەرتەدى.
سونداي-اق جاتتىعۋ اياسىندا شەكارا ماڭىنداعى اۋماقتاردا ورمان جانە دالا ورتتەرىن سوندىرۋگە باعىتتالعان ءىس-قيمىلدار دا پىسىقتالادى. بۇل جۇمىستارعا رەسەي فەدەراتسياسىنىڭ توتەنشە جاعدايلار مينيسترلىگىنىڭ ماماندارى مەن تەحنيكاسى دا جۇمىلدىرىلادى.
جانەل تولەۋبەكوۆا, ەۇۋ 2 كۋرس ستۋدەنتى