استانا. 3 تامىز. باس پروكۋراتۋرا مەملەكەت باسشىسى جاريالاعان بەس ينستيتۋتسيونالدىق رەفورمالاردى جانە «100 ناقتى قادام» ۇلت جوسپارىن جۇزەگە اسىرۋ بويىنشا ماقساتتى تۇردە جۇمىس جۇرگىزۋدە. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
قاداعالاۋ ورگانى مەملەكەتتىك باسقارۋ, سوت تورەلىگى, سونداي-اق, زاڭ ۇستەمدىگى قاعيداسىن قامتاماسىز ەتۋ بويىنشا ۇسىنىستارىن ازىرلەدى جانە ولاردى جاڭعىرتۋ جونىندەگى ۇلتتىق كوميسسيا قولدادى. اتاپ ايتقاندا, القابيلەر ينستيتۋتىن جەتىلدىرۋ, تەرگەۋ ارەكەتتەرىنە سانكتسيا بەرۋ جونىندەگى پروكۋراتۋرانىڭ فۋنكتسيالارىن بىرتىندەپ تەرگەۋ سۋديالارىنا بەرۋ, ازاماتتىق-قۇقىقتىق داۋلاردىڭ جەكەلەگەن ساناتتارى بويىنشا پروكۋرورلاردىڭ سوتقا قاتىسۋىن قىسقارتۋ جونىندە ۇسىنىستار ەنگىزىلدى.
سونىمەن قاتار, باس پروكۋرور اتاپ وتكەندەي, كوزدەلگەن ماقساتتاردى ءتيىمدى جۇزەگە اسىرۋ قالىڭ جۇرتشىلىقتىڭ قاتىسۋىنسىز جانە ولاردىڭ قولداۋىنسىز مۇمكىن ەمەس. كوپ جاعدايدا تۇپكى ناتيجە رەفورمالاردىڭ نەگىزىنە الىنعان يدەيالاردى حالىقتىڭ قالاي قابىلداعانىنان جانە ولاردى قولداعانىنان تاۋەلدى بولادى. سوندىقتان ءبىزدىڭ ازاماتتاردىڭ وسى جۇمىسقا بەلسەندى قاتىسقاندارى ماڭىزدى بولىپ تابىلادى.
بۇگىن «قۇقىق قورعاۋ ورگاندارىن رەفورمالاۋ» اتتى ينتەرنەت-سايت ىسكە قوسىلدى (www.pro.kz). وندا كەز-كەلگەن ازامات قۇقىق قورعاۋ جۇيەسىن رەفورمالاۋ جانە زاڭنامانى جەتىلدىرۋ بويىنشا ءوز ۇسىنىستارىن قالدىرا الادى. ينتەرنەت-پلاتفورمانى قۇرۋدىڭ باستى ماقساتى – حالىقتى قۇقىق قورعاۋ ورگاندارىن جاڭعىرتۋ جونىندەگى جۇمىسقا تارتۋ, قۇقىقتىق جۇيەنى ساپالى جاڭارتۋ ماسەلەلەرىنە بەي-جاي قارامايتىن ازاماتتاردىڭ بارلىعىمەن سىندارلى سۇحبات جاساۋ بولىپ تابىلادى
سايتتى پايدالانۋشىلارعا ءتيىمدى بولۋى ءۇشىن فورۋمدا ءۇش ءبولىم قاراستىرىلعان. ءبىرىنشىسى ازاماتتاردىڭ قۇقىق قورعاۋ ورگاندارىنىڭ قىزمەتىنە قاتىستى رەفورمالاردى ىسكە اسىرۋ بويىنشا ۇسىنىستارىن جيناۋ ءۇشىن قۇرىلعان. ەكىنشى بولىمدە ازاماتتار ۇلت جوسپارىنىڭ ورىندالۋىنا باعىتتالعان ۇلتتىق زاڭنامانى رەفورمالاۋ بويىنشا ۇسىنىستارىن قالدىرا الادى. ءۇشىنشى بولىمدە حالىقارالىق الدىڭعى قاتارلى تاجىريبەنى ەسكەرە وتىرىپ قۇقىق قورعاۋ ورگاندارىنىڭ رەفورماسىن جۇرگىزۋ بويىنشا ۇسىنىستار جيناقتالىپ, تالقىلانادى. سايتتا جۇمىس ىستەۋ ءتارتىبى سايكەس نۇسقاۋلىقتا مۇقيات كورسەتىلگەن, وسىنى باسشىلىققا الا وتىرىپ تاقىرىپ اشۋعا بولادى نەمەسە بۇرىن جاسالعان تاقىرىپتارعا پىكىر قالدىرۋعا مۇمكىندىك بار.
باس پروكۋراتۋرا بارلىق قازاقستاندىقتى جالپىۇلتتىق جوسپاردى جۇزەگە اسىرۋدىڭ وزەكتى ماسەلەلەرىن تالقىلاۋعا قاتىسۋعا, قۇقىق قورعاۋ جۇيەسىن جاڭعىرتۋ تۋرالى پىكىر بىلدىرۋگە جانە شارالار ۇسىنۋعا شاقىرادى.
ەلامان قوڭىر.
دەرەك: باس پروكۋراتۋرانىڭ ءباسپاسوز قىزمەتى.
سۋرەت: egemen.kz.