عىلىم جانە جوعارى ءبىلىم مينيسترلىگىنىڭ مالىمەتىنشە, گرانتتى تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋ شىلدەنىڭ 13 مەن 20 ارالىعىندا جۇرگىزىلەدى. ونىڭ ناتيجەسى 10 تامىزعا دەيىن جاريالانادى. جوعارى وقۋ ورنىنا تىركەلۋ 25 تامىزعا دەيىن جالعاسادى, دەپ حابارلايدى Egemen.kz.
ايتا كەتەيىك, ەلىمىزدە ۇبت-نى تاپسىرۋ 16 مامىر مەن 7 شىلدە ارالىعىندا وتەتىنى حابارلاندى. تەستىلەۋ ەلىمىز بويىنشا 46 ارنايى ايماقتىق ورتالىقتا ۇيىمداستىرىلعان.
تالاپكەرلەرگە تەست تاپسىرۋ كۇنىن, ۋاقىتىن جانە ورنىن ءوز بەتىنشە تاڭداۋعا مۇمكىندىك بەرىلگەن. ولار ۇبت-نى ەكى رەت تاپسىرىپ, ەڭ جاقسى ناتيجەسىمەن گرانت كونكۋرسىنا قاتىسا الادى.
2025 جىلى 217 مىڭ مەكتەپ تۇلەگى بولسا, سونىڭ 183 مىڭى ۇبت-عا تىركەلگەن. بۇل وتكەن جىلمەن سالىستىرعاندا 30 مىڭعا ارتىق. ەمتيحاننان كەيىن تالاپكەرلەر ناتيجەلەرىن تولىق تالداۋىمەن بىرگە كورە الادى.