14 جاسار اقتاۋلىق ەدگار مامەدوۆ – قازاقستاننىڭ شاحمات تاريحىنداعى ەڭ جاس گروسسمەيستەر رەتىندە تىركەلىپ وتىر, دەپ جازادى Egemen.kz.
اتالعان جەتىستىك – قازاقستان شاحمات فەدەراتسياسىنىڭ جاس دارىنداردى قولداۋ باعدارلاماسىنىڭ جەمىسى.
جاس شاحماتشىعا اتالعان اتاق – فيدە پرەزيدەنتتىك كەڭەسىنىڭ الداعى وتىرىسىندا رەسمي تۇردە بەرىلەدى.
قر شاحمات فەدەراتسياسىنىڭ مالىمەتىنشە, تەك ءبىر جىلدىڭ ىشىندە ەدگار مامەدوۆ بارلىق تالاپتاردى ورىنداعان: Aktobe Open 2024 (ۆ.دۆوركوۆيچ مەموريالى), اليكانتە جانە مەنوركا (يسپانيا) تۋرنيرلەرى (GM نورمالارى). سوڭعى جەتىستىك – شاردجاداعى ء(باا) بەدەلدى تۋرنيردە ەلو رەيتينگىنىڭ 2500 مەجەسىن باعىندىرعان. وسىلايشا ول حالىقارالىق گروسسمەيستەر (GM) اتاعىن يەلەنىپ, الەمدىك شاحمات ەليتاسىنىڭ قاتارىنا قوسىلدى.