قازاقستاندا جۇمىس ىستەيتىن بارلىق 120 بەلسەندى ۇزاق ءومىر ءسۇرۋ ورتالىعىنىڭ ء(بۇوو) 57-ءسى قالالاردا بولسا, 63-ءى اۋىلداردا ورنالاسقان, دەپ جازادى Egemen.kz.
2017 جىلدان باستاپ قازاقستان رەسمي تۇردە حالقى قارتايىپ جاتقان ەلدەردىڭ قاتارىنا كىرگەن. بۇگىندە 65-تەن اسقان شامامەن 1,87 ميلليون ادام – حالىقتىڭ 9,2%-ىن قۇراپ وتىر. سالىستىرعاندا 2020 جىلى 6,8% بولعان ەكەن.
ايتا كەتسەك, 2020 جىلى رەسپۋبليكادا العاشقى بەلسەندى ۇزاق ءومىر ءسۇرۋ ورتالىعى اشىلسا, 2021 جىلى «بەلسەندى ۇزاق ءومىر ءسۇرۋ» ءىس-شارالار جوسپارى (2025 جىلعا دەيىنگى) قابىلدانىپ, ونىڭ اياسىندا زاڭناماعا وزگەرىستەر ەنگىزىلىپ, ۆەدومستۆوارالىق كوميسسيا قۇرىلدى جانە بەلسەندى ۇزاق ءومىر ءسۇرۋ يندەكسى ەسەپتەلدى.
اتالعان ورتالىقتاردىڭ جۇمىسى باستالعاننان بەرى 20 مىڭنان استام ءىس-شارا وتكىزىلىپ, 3,8 مىڭنان استام قىزمەت كورسەتىلگەن – ولاردىڭ قاتارىندا مەديتسينالىق, پسيحولوگيالىق, مادەني جانە ءبىلىم بەرۋ قىزمەتتەرى بار. مۇنىڭ ءبارى ەگدە ادامداردىڭ بەلسەندى بولۋىنا جانە دەنساۋلىعى مەن كوڭىل-كۇيىنىڭ جاقسارتۋىنا سەپتەستى.
«بەلسەندى ۇزاق ءومىر ءسۇرۋ ورتالىقتارى ء«بىر تەرەزە» قاعيداتى بويىنشا ءۇش باعىتتا جۇمىس ىستەيدى: بەلسەندى ۇزاق ءومىر, دەنساۋلىق مادەنيەتى جانە قوعاممەن بايلانىس. ءبۇوو-نىڭ قىزمەتى – ەگدە ادامداردى بەلسەندى ۇزاق ءومىر سۇرۋگە ىنتالاندىرۋعا, ونىڭ ىشىندە جۇيەلى بوس ۋاقىتتى ۇيىمداستىرۋعا (يوگا, سكانديناۆيالىق ءجۇرىس, تسيفرلىق ساۋاتتىلىقتى ارتتىرۋ, موتيۆاتسيالىق جانە كاسىپكەرلىك كۋرستار, ت.ب.), قوعام ومىرىنە قاتىسۋعا باعىتتالعان», دەپ حابارلاندى ەڭبەك جانە حالىقتى الەۋمەتتىك قورعاۋ مينيسترلىگىنەن.