سپورتشىلاردىڭ وتكەن اپتاداعى جەتىستىكتەرى تۋرالى شولۋ اقپارات – سالا مينيسترلىگىنەن ءمالىم بولدى, دەپ جازادى Egemen.kz.
پارا دزيۋدو: استانادا الەم چەمپيوناتىندا قازاقستان قۇراماسى 2 التىن, 2 كۇمىس, 5 قولا جۇلدەمەن جالپىكوماندالىق ەسەپتە 4-ورىن الدى.
كوركەم گيمناستيكا: سينگاپۋردا ازيا چەمپيوناتىندا ايبوتا ەرتايقىزى توپ جارسا, توپتىق سايىستا قازاقستان كومانداسى التىن جانە كۇمىس جۇلدەلەر ولجالادى.
شاحمات: ءباا-ءنىڭ ءال-اين قالاسىندا كلاسسيكالىق شاحماتتان ازيا بىرىنشىلىگىندە كسەنيا بالاباەۆا قولا مەدال جەڭىپ الدى.
اۋىر اتلەتيكا: قىتايدىڭ تسزيانشان قالاسىندا ازيا دوداسىندا پيوتر حرەبتوۆ – قولا مەدال, ارتيوم انتروپوۆ – كۇمىس مەدالعا قول جەتكىزدى.
تاەكۆوندو: ءباا-ءنىڭ فۋدجەيرا قالاسىندا (WT) جاسوسپىرىمدەر اراسىندا جاھاندىق باسەكەدە جەرلەستەرىمىز ەل قورجىنىنا 2 التىن, 1 كۇمىس, 2 قولا, بارلىعى 5 مەدال سالدى.
سپورتتىق گيمناستيكا: سلوۆەنيانىڭ كوپەر قالاسىندا Challenge Cup كەزەڭىندە دياس تويشىبەك التىن, زەينوللا ىدىرىسوۆ كۇمىس جۇلدە ەنشىلەدى.
تەننيس: زارينا دياس جاپونيانىڭ كۋرۋمە قالاسىندا ايەلدەر اراسىندا ITF W50 تۋرنيرىندە چەمپيون اتاندى. ال ەرلەر اراسىندا ەلىمىزدىڭ ءبىرىنشى راكەتكاسى الەكساندر بۋبليك يتالياداعى چەللەندجەر تۋرنيرىندە توپ جاردى.