كەشە قىزىلوردا قالاسىندا قوعامدىق ءتارتىپتى ساقتاۋ بويىنشا قىزمەت اتقارىپ جۇرگەن ءىىم ۇلتتىق ۇلانى 5547 اسكەري ءبولىمىنىڭ قىزمەتشىلەرى قىراعىلىق پەن جانقيارلىق تانىتىپ, قايعىلى جاعدايدىڭ الدىن الدى.
تۇندە «اربات» اللەياسىندا جۇرگەن اسكەري جاساق توپتالىپ تۇرعاندارعا نازار اۋداردى. سول جەردە قۇربىسىنىڭ تالماسى ۇستاپ جاتقانىن ايتقان بويجەتكەن جاساق اسكەريلەردەن كومەك سۇراپتى.
ۇلاندىقتار بىردەن كەزەكشى بولىمگە حابار بەرىپ, «جەدەل جاردەم» شاقىرادى. الايدا پاترۋلدىك توپتىڭ باستىعى, لەيتەنانت ەرنۇر ءابىلحان ۋاقىت جوعالتپاۋ ءۇشىن زارداپ شەككەن قىزدى پاترۋلدىك كولىكپەن جەتكىزۋ تۋرالى بۇيرىق بەرىپ, بۇل مىندەتتى اۆتوپاترۋل قىزمەتشىسى ەفرەيتور تاڭاتار سۇلتانايعا جۇكتەپتى. ولاردىڭ جەدەل ءارى ۇيلەسىمدى ارەكەتىنىڭ ارقاسىندا قىز وبلىستىق اۋرۋحاناعا دەر كەزىندە جەتكىزىلىپ, قاجەتتى مەديتسينالىق كومەك كورسەتىلدى.
قازىر ناۋقاستىڭ جاعدايى قاناعاتتانارلىق دەپ باعالانىپ وتىر. بۇل وقيعا توتەنشە جاعدايلاردا سابىر ساقتاپ, شۇعىل ارەكەت ەتۋدىڭ قانشالىقتى ماڭىزدى ەكەنىن تاعى ءبىر مارتە دالەلدەدى.