«اتىراۋ» فۋتبول كلۋبىنىڭ قۇرامىنداعى ءتورت ويىنشىمەن اراداعى كەلىسىمشارت مەرزىمىنەن بۇرىن بۇزىلدى.
فۋتبول كلۋبىنىڭ باس مەنەدجەرى ديدار سىدىقبەكتىڭ ايتۋىنشا, كەلىسىمشارتتى توقتاتۋعا كەلىسكەن ويىنشىلاردىڭ ءبارى – لەگيونەر.
«ەكىجاقتى كەلىسىمگە سايكەس نيكيتا كاپلەنكو, گيلەرمو مورايس, ماتەۋس باربوزا جانە ەۆگەني كوزلوۆپەن اراداعى كەلىسىمشارت رەسمي تۇردە توقتاتىلدى. ويىنشىلاردىڭ ەكەۋى ەڭ جوعارى جالاقى العان ەدى. بۇل ويىنشىلاردىڭ ءبارى – لەگيونەر. ولار وتەماقىسىز كەلىسىشارتتى توقتاتۋعا كەلىستى. ەندى باسقا ويىنشىلارعا الداعى ەكى ويىندا وزدەرىن كورسەتۋگە مۇمكىندىك بەردىك. ءبىزدىڭ كومانداعا سەرپىلەتىن, جاعدايدى تۇزەيتىن كەز كەلدى. ولاي بولماعان جاعدايدا, احۋالدى جاقسارتقىسى كەلەتىندەرگە ورىندى بوساتۋ قاجەت», دەدى ديدار سىدىقبەك.
باس مەنەدجەر الداعى ۋاقىتتا فۋتبول كلۋبى ويىنشىلارىنىڭ قۇرامى تاعى دا وزگەرەتىنىن جوققا شىعارمادى. كوماندانىڭ كورسەتكىشىن جاقسارتۋ ءۇشىن كەم دەگەندە جاڭادان 6-7 ويىنشى قاجەت.
اتىراۋ وبلىسى