ستۋدەنتتىك كوكتەم فەستيۆالىنە 30-عا جۋىق جوعارى وقۋ ورىندارى, كوللەدجدەردىڭ 3 مىڭعا جۋىق ستۋدەنتى قاتىستى, دەپ حابارلايدى Egemen.kz.
الماتى قالاسى جاستار ساياساتى باسقارماسىنىڭ قولداۋىمەن «الماتى ستۋدەنتتەر اليانسى» ۇيىمداستىرعان فەستيۆالدە بيىل 5 ناۋرىزدان 13 مامىرعا دەيىن ۆوكال, حورەوگرافيا, موبيلوگرافيا, اسپاپتىق ورىنداۋ جانە تەاتر ونەرىنەن ستۋدەنتتەر جۇلدەلى ورىندار ءۇشىن باق سىناسقان بولاتىن. بيىل فەستيۆالدىڭ جۇلدە قورى 7 500 000 تەڭگەنى قۇرادى.
«Jas Gala-2025» فەستيۆالى جەڭىستىڭ 80 جىلدىعى, جۇمىس ىستەيتىن جاستار جىلى, قازاقستان حالقى اسسامبلەياسىنىڭ 30 جىلدىعى, كورنەكتى كومپوزيتور, كۇيشى جانە حالىق ءارتىسى نۇرعيسا تىلەنديەۆتىڭ 100 جىلدىعى, سونداي-اق ءشامشى قالداياقوۆتىڭ 95 جىلدىعى سياقتى ماڭىزدى داتالارعا وراي ۇيىمداستىرىلدى.
جەڭىمپازداردى ماراپاتتاۋ ءراسىمى «كونكورديا» ستۋدەنتتىك تەاترىندا ءوتتى. نۇرعيسا تىلەنديەۆتىڭ 100 جىلدىعىنا وراي «اسپاپتىق ورىنداۋ» باعىتىندا 122 قاتىسۋشى باق سىنادى. «انسامبلدىك ورىنداۋ» نوميناتسياسى بويىنشا ءبىرىنشى ورىندى الماتى مۋزىكالىق كوللەدجىنىڭ «جەلدىرمە» ءانسامبلى يەلەندى. پ. ي. چايكوۆسكي. «سولو-ورىنداۋ» نوميناتسياسىندا سول كوللەدجدىڭ ستۋدەنتى سكەندىر نۇردانا جەڭىسكە جەتتى. ال قۇرمانعازى اتىنداعى قازاق ۇلتتىق كونسەرۆاتورياسىنىڭ رىسبەك اسقار ۆوكالدا, قازبسقا كوللەدجىنىڭ «DAPAMINE» كومانداسى حورەوگرافيادا, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ QAGANAT ستۋدەنتتىك تەاترى تەاتر باعىتىندا, ال «موبيلوگرافيا» باعىتىندا قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستۋدەنتى ءمولدىر وتەپوۆا جەڭىسكە جەتتى.
بيىل 4-ءشى رەت وتكەن «Jas Gala» فەستيۆالى قالانىڭ تالانتتى جاستارىن انىقتاۋ جانە ولاردىڭ شىعارماشىلىق جولىن قالىپتاستىرۋعا جاردەمدەسۋ ءۇشىن ماڭىزدى الاڭعا اينالدى.
الماتى