5 جاستاعى يبراھيم ادىلبەك وتباسى بانكىندە «كەلەشەك» جۇيەسىنىڭ قازاقستانداعى العاشقى قاتىسۋشىسى اتاندى. ول ءۇشىن اكەسى باعدات ەرۋباەۆ ۇلىنا «AQYL» ءبىلىم بەرۋ دەپوزيتىن اشقان, دەپ حابارلايدى Egemen.kz.
ەندى مەملەكەت كىشكەنتاي قازاقستاندىقتىڭ شوتىنا 60 اەك نەمەسە 235 920 تەڭگە كولەمىندە باستاپقى ءبىلىم بەرۋ كاپيتالىن اۋدارادى. ونى ساقتاپ قالۋ ءۇشىن وتباسىنا جىل سايىن كەمى 24 اەك نەمەسە 94 368 تەڭگەنى اتالمىش دەپوزيتكە اۋدارىپ تۇرۋلارى قاجەت. ال وتباسى بانك قوسىمشا بالانىڭ جيناق شوتىنا بانك سىياقىسى مەن مەملەكەتتىك سىيلىقاقى ەسەپتەيتىن بولادى.
«كەلەشەك» جۇيەسىنىڭ قاتىسۋشىسى بولۋ ءۇشىن «AQYL» ءبىلىم بەرۋ دەپوزيتىن اشۋ قاجەت. مەن ونى وتباسى بانكىنىڭ بولىمشەسىندە جاسادىم. ءبىزدىڭ وتباسىمىز ءۇشىن بۇل بالامىزدىڭ بىلىمىنە قارجى جيناپ, وعان لايىقتى ماماندىق الۋعا كومەكتەسۋدىڭ قولجەتىمدى ءتاسىلى. ۇلىم وقۋعا تەگىن ءتۇسىپ كەتسە دە, ول ءوز جيناقتارىن ءۇي ساتىپ الۋعا جۇمساي الادى», دەيدى باعدات ەرۋباەۆ.
«كەلەشەك» ەرىكتى جيناقتاۋشى جۇيەسىنە قاتىسۋ ءۇشىن وتباسى بانكىندە 2025 جىلدىڭ 12 مامىرىنان باستاپ «AQYL» دەپوزيتىن اشۋعا بولادى. نە ءبارى ءبىر تاۋلىكتىڭ ىشىندە 1 000 قازاقستاندىق اتا-انا اتالمىش سالىمدى ءوز بالالارىنىڭ اتىنا اشىپ ۇلگەرگەن.
«ادامنىڭ ەڭ ماڭىزدى اكتيۆى – ءبىلىم. قازاقستان – «كەلەشەك» بىرىڭعاي ەرىكتى جيناقتاۋ جۇيەسىن قۇرۋ ارقىلى, بالالارىنىڭ بىلىمىنە باعىتتاعان اتا-انالاردىڭ ينۆەستيتسياسىن قولداپ وتىرعان ساناۋلى ەلدەردىڭ ءبىرى. ەندى باستاپقى كاپيتال بولىنەدى. وتباسى بانك ۇل-قىزدارىنىڭ بولاشاعىن ويلاعان سانالى اتا-انالارعا ءبىلىم بەرۋ دەپوزيتتەرىن اشۋعا بەلسەندى تۇردە كومەكتەسەدى. ەندى ونى otbasybank.kz پورتالىندا, بەينە-قوڭىراۋ بويىنشا, بانك بولىمشەلەرىندە جانە كەڭەسشىلەردىڭ كومەگىمەن ىسكە اسىرۋعا بولادى. الداعى 10 كۇندە بۇل قىزمەت Otbasy bank ءموبيلدى قوسىمشاسىندا دا قولجەتىمدى بولادى», دەدى وتباسى بانكىنىڭ باسقارما توراعاسى ءلاززات يبراگيموۆا.
وتباسى بانكىندە «AQYL» ءبىلىم بەرۋ جيناقتاۋ سالىمىن اشۋدىڭ جانە «كەلەشەك» جۇيەسىنىڭ قاتىسۋشىسى بولۋدىڭ ءتورت ءتاسىلى:
Otbasybank.kz پورتالىندا. ول ءۇشىن جەكە كابينەتىڭىزگە كىرىڭىز, «مەنىڭ بانكىم» قويىندىسىن اشىپ, «دەپوزيتتەرگە» ءوتۋ كەرەك. ءارى قاراي, «جاڭا دەپوزيت» باتىرماسىن باسىپ, «AQYL» سالىمىن اشاسىز; hcsbk.kz بانك سايتىنداعى بەينە-قوڭىراۋ قىزمەتى ارقىلى; بانك بولىمشەلەرىندە; كەڭەسشىلەردىڭ كومەگىمەن. سىلتەمە ارقىلى ءوز قالاڭىزدان كەڭەسشى تاڭداي الاسىز: https://hcsbk.kz/network-agents/.«AQYL» دەپوزيتىنىڭ شارتتارى:
سىياقى مولشەرلەمەسى 13,58% (جتسم 14,5% باستاپ); مەملەكەتتىك سىيلىقاقى: سالىمشىلاردىڭ بارلىق ساناتتارى ءۇشىن - 5%. جەتىم بالالار, اتا-اناسىنىڭ قامقورلىعىنسىز قالعان بالالار, مۇمكىندىگى شەكتەۋلى بالالار, كوپ بالالى جانە از قامتىلعان وتباسىلاردان شىققان بالالار ءۇشىن - 7%. دەپوزيت اشقان كەزدە مىندەتتى باستاپقى جارنانىڭ مولشەرى 3 اەك نەمەسە 11 796 تەڭگەگە تەڭ (2025 جىلى). جەتىم جانە اتا-انا قامقورلىعىنسىز قالعان بالالار ءۇشىن باستاپقى جارنا جوق.مەملەكەت بالالارعا "كەلەشەك" باعدارلاماسى اياسىندا "AQYL" دەپوزيتىنە قانداي سوما اۋدارادى؟
باستاپقى ءبىلىم بەرۋ كاپيتالى 2025 جىلى 60 اەك نەمەسە 235 920 تەڭگەنى قۇرايدى.
جەتىم بالالار مەن اتا-اناسىنىڭ قامقورلىعىنسىز قالعان بالالار ءۇشىن باستاپقى ءبىلىم بەرۋ كاپيتالى 2025 جىلى 120 اەك نەمەسە 471 840 تەڭگەگە تەڭ.
2025 جىلى مەملەكەتتەن بەرىلەتىن, 235 920 تەڭگەدەن باستالاتىن باستاپقى ءبىلىم بەرۋ كاپيتالى بيىل 5 جاسقا تولاتىن بالالارعا ەسەپتەلەتىن بولادى.
وتباسى بانكىندە «AQYL» دەپوزيتتەرى اشىلعان ادامدار نە ىستەۋى كەرەك؟
2025 جىلدىڭ ءبىرىنشى جارتىجىلدىعىندا 5 جاسقا تولاتىن بالالاردىڭ اتا-انالارى 2025 جىلدىڭ 15 مامىرىنان باستاپ 2025 جىلدىڭ 30 ماۋسىمىنا دەيىن otbasybank.kz پورتالىنداعى جەكە كابينەتتە "AQYL" دەپوزيتىنە قوسىمشا كەلىسىمگە قول قويۋلارى قاجەت. بۇل جاعدايدا باستاپقى ءبىلىم بەرۋ كاپيتالى قولدانىستاعى دەپوزيتكە ەسەپتەلەدى. اقشا 2025 جىلدىڭ 31 تامىزىنا دەيىن تۇسەدى.
1 شىلدە مەن 31 جەلتوقسان ارالىعىندا 5 جاسقا تولاتىن بالالار دا بيىلعى جىلى قوسىمشا كەلىسىمگە قول قويۋى كەرەك. قاراجات 2026 جىلدىڭ 28 اقپانىنا دەيىن تۇسەدى.