مەملەكەت باسشىسى قاسىم-جومارت توقاەۆ كورنەكتى مەملەكەت جانە قوعام قايراتكەرى قۋانىش سۇلتانوۆقا «وتان» وردەنىن cالتاناتتى تۇردە تابىس ەتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ قۋانىش سۇلتانوۆتى سەكسەن جاسقا تولعان مەرەيتويىمەن قۇتتىقتاپ, قايراتكەردىڭ ەلىمىزدى دامىتۋعا قوسقان ۇلەسىن ەرەكشە اتاپ ءوتتى.
«تاۋەلسىزدىكتىڭ العاشقى كۇندەرىنەن باستاپ ەل ىسىنە بەلسەنە اتسالىستىڭىز. مەملەكەتتىگىمىزدىڭ تۇعىرىن نىعايتۋ جولىندا ەڭبەك ەتتىڭىز. مينيستر, كەيىن پرەمەر-ءمينيستردىڭ ورىنباسارى بولدىڭىز. ديپلوماتيالىق قىزمەتتە ەلىمىزدىڭ قاۋىپسىزدىگىن نىعايتۋعا زور ۇلەس قوستىڭىز. قىتاي حالىق رەسپۋبليكاسىندا توتەنشە جانە وكىلەتتى ەلشى بولدىڭىز, سونداي-اق موڭعوليا, ۆەتنام جانە سولتۇستىك كورەيا ەلدەرىمەن قارىم-قاتىناستى دامىتۋ ءۇشىن تاباندى جۇمىس ىستەدىڭىز. ءسىز ەلىمىزدە پارلامەنتاريزم ينستيتۋتىن دامىتۋعا مول ۇلەس قوستىڭىز. جوعارى كەڭەستە دەپۋتات, توراعانىڭ ورىنباسارى بولدىڭىز. ودان كەيىن ءۇش رەت سەناتتىڭ, ەكى رەت ءماجىلىستىڭ دەپۋتاتى رەتىندە زاڭ شىعارۋ ءىسىنىڭ بەل ورتاسىندا ءجۇردىڭىز. وزەكتى ماسەلەلەردى قوزعادىڭىز. قازىر دە قوعامدىق جۇمىستان قول ۇزگەن جوقسىز. ءسىزدىڭ قاجىر-قايراتىڭىز, مەملەكەتشىل بولمىسىڭىز, ادامگەرشىلىگىڭىز جاستارعا ۇلگى-ونەگە بولادى دەپ ويلايمىن», دەدى پرەزيدەنت.قاسىم-جومارت توقاەۆ قۋانىش سۇلتانوۆتىڭ جازۋشىلىق قىرىنا توقتالىپ, ەلىمىزدەگى ساياسي جانە قوعامدىق ۇدەرىستەر جايىندا كوپتەگەن ەڭبەك جازعانىنا نازار اۋداردى.
قۋانىش سۇلتانوۆ ەلدىڭ يگىلىگى ءۇشىن جاساعان ەڭبەگىن ەلەپ, ەڭ جوعارى مەملەكەتتىك ناگرادانىڭ ءبىرى – «وتان» وردەنىنە لايىق كورگەنى ءۇشىن پرەزيدەنتكە العىس ايتتى.