پرەزيدەنت قاسىم-جومارت توقاەۆتىڭ توراعالىعىمەن اقوردادا وتكەن كەڭەستە ۇلتتىق بانكتىڭ 2024 جىلى اتقارعان قىزمەتى تۋرالى ەسەپ بەرىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىنا ماكروەكونوميكالىق احۋال, اقشا-نەسيە ساياساتىنىڭ نەگىزگى كورسەتكىشتەرى, قارجى جۇيەسىنىڭ جاي-كۇيى, حالىقارالىق رەزەرۆتەر, بجزق مەن ۇلتتىق قور اكتيۆتەرى تۋرالى باياندالدى.
جيىن بارىسىندا ۇلتتىق قوردىڭ قىزمەتىنە قاتىستى وزەكتى ماسەلەلەر تالقىلاندى. سونىمەن قاتار رەسپۋبليكالىق بيۋدجەتتىڭ ورىندالۋى, ينفلياتسيانى تومەندەتۋ, اقشا-نەسيە ساياساتى, «بانكتەر جانە بانك قىزمەتى تۋرالى» جاڭا زاڭ جوباسى, ەكونوميكانىڭ ناقتى سەكتورىن كرەديتتەۋ, سونداي-اق ۇلتتىق بانكتىڭ التىن-ۆاليۋتا اكتيۆتەرىنىڭ جاعدايى قاراستىرىلدى.