قازىر وبلىس تۇرعىندارىنان تىركەلمەگەن وتتى قارۋلاردى ساتىپ الۋ اكتسياسى جۇرگىزىلۋدە. كەيبىر تۇرعىندار قولدارىنداعى قارۋلارىن ءوز ەركىمەن تاپسىرىپ, سىياقى الۋدى دۇرىس ساناسا, باسقالارى ولاردى جاسىرۋعا تىرىساتىنى بەلگىلى بولدى, دەپ جازادى Egemen.kz.
ەسىل اۋدانىنىڭ 58 جاستاعى تۇرعىنى ەگىس القاپتارىنان تاۋىپ الدىم دەپ «توز-8» مىلتىعىن تاپسىردى. قازىر بۇل قارۋدىڭ قانداي دا ءبىر قىلمىسقا قاتىستىلىعى تەكسەرىلۋ ءۇشىن ساراپتاماعا جولداندى.
ال 50 جاستاعى باسقا ءبىر تۇرعىن تىركەلمەگەن قارۋىن تاپسىرۋعا اسىقپاعان. رەيد بارىسىندا ونىڭ «Toyota» اۆتوكولىگى توقتاتىلىپ, جۇكسالعىشتان يج-16 تەگىس ۇڭعىلى جانە «توز-16» مىلتىقتارى تابىلدى. بۇل قارۋلار دا تىركەلمەگەن بولىپ شىقتى, سوندىقتان پوليتسيا ولاردى تاركىلەدى. قازىر بۇلار دا ساراپتاماعا جىبەرىلگەن.
سونداي-اق 44 جاستاعى اۋىل تۇرعىنىنان تىركەلمەگەن «VALTRO» گازدى تاپانشاسى تابىلعان. ساراپتاما قارۋدىڭ كاليبرى 9 مم. پاتروندارمەن اتۋعا جارامدى ەكەنىن كورسەتتى. ءتارتىپ بۇزۋشىلاردىڭ ەكەۋىنە قاتىستى اكىمشىلىك ماتەريال جينالدى.
سولتۇستىك قازاقستان وبلىسى