ارال قالاسىندا تەمىرجول ارقىلى وتەتىن اسپالى كوپىر اشىلدى. بۇرىن پويىز وتكەندە تەمىرجولدىڭ ەكى بەتىندەگى كولىكتەر كەپتەلىسى پايدا بولىپ, ءتىپتى ساعاتتاپ كۇتەتىن دە كەزدەر بولاتىن. سوندىقتان دا قۇنى 3 ملرد 140 ملن تەڭگە, ۇزىندىعى 940 مەتر بولاتىن اسپالى كوپىردىڭ اشىلۋى ناعىز ەل قۋانىشىنا اينالدى.
اسپالى كوپىرگە جاياۋ جۇرگىنشىلەر جولى سالىنىپ, تۇنگى جارىقشامدار ورناتىلعان. ونىڭ اشىلۋىندا جۇرتشىلىقتى وبلىس اكىمى نۇرلىبەك نالىباەۆ, پارلامەنت ءماجىلىسىنىڭ دەپۋتاتى مارحابات جايىمبەتوۆ قۇتتىقتادى.
ارال كەيىنگى جىلدارى قارقىندى دامىپ كەلە جاتقان اۋداننىڭ ءبىرى. ەكى جىل بۇرىن اۋدان بيۋدجەتى 10,1 ملرد تەڭگە بولسا, بۇگىندە 22 ملرد تەڭگەدەن اسىپ وتىر. ءۇش جىل ىشىندە 80 ملرد تەڭگەگە جۋىق ينۆەستيتسيا تارتىلعان.
وسى كەزەڭدە 80 شاقىرىم اۋىز سۋ جەلىسى جاڭارتىلىپ, حالىقتىڭ 96 پايىزى تازا اۋىز سۋمەن قامتىلىپ وتىر.