2025 جىلدىڭ 6 مامىر كۇنى قاراتاۋ مەملەكەتتىك تابيعي قورىعى اۋماعىنداعى «حانتاعى – كەمپىرتاس» سوقپاعىندا VII ايماقتىق «قاراتاۋ قىزعالداقتارى» اتتى شىعارماشىلىق سۋرەت بايقاۋى ۇيىمداستىرىلدى. ءىس-شارا «تازا قازاقستان» ەكولوگيالىق تۇجىرىمداماسى اياسىندا وتكىزىلدى, دەپ حابارلايدى Egemen.kz.
بايقاۋعا كەنتاۋ بالالار كوركەمسۋرەت مەكتەبى مەن يۋنەسكو كلۋبىنىڭ 40-تان استام وقۋشىسى قاتىسقان. جاس سۋرەتشىلەر تابيعاتتىڭ اسەم كورىنىستەرىن قىلقالام ارقىلى بەينەلەپ, تۋعان جەرگە دەگەن سۇيىسپەنشىلىكتەرىن ونەر تىلىمەن جەتكىزۋگە تىرىسقان.
شارانىڭ نەگىزگى ماقساتى – جاس ۇرپاققا تۋعان ولكەنىڭ تابيعي بايلىقتارىن قۇرمەتتەۋدى ۇيرەتۋ جانە ولاردى قورشاعان ورتانى قورعاۋعا باۋلۋ. ۇيىمداستىرۋشىلاردىڭ ايتۋىنشا, مۇنداي بايقاۋلار بالالاردىڭ ەكولوگيالىق مادەنيەتىن ارتتىرۋعا جانە تابيعاتتى ءسۇيۋ سەزىمىن تەرەڭدەتۋگە جول اشادى.
ايتا كەتەيىك, الەمدە قىزعالداقتىڭ 3 مىڭنان استام ءتۇرى بار. سونىڭ ىشىندە 35 ءتۇرى قازاقستان اۋماعىندا وسەدى. ونىڭ 18 ءتۇرى ەلىمىزدىڭ قىزىل كىتابىنا ەنگەن. قاراتاۋ تاۋلارى – وسىنداي سيرەك كەزدەسەتىن, ەرەكشە وسىمدىكتەردىڭ مەكەنى.