اقمولا وبلىسىندا ازىق-ت ۇلىك قاۋىپسىزدىگى قالاي قامتاماسىز ەتىلگەن

وبلىستىق ىشكى ساياسات باسقارماسىنىڭ مالىمەتىنشە, اۋىل شارۋاشىلىعىنداعى بۇل تابىستار مەملەكەتتىك قولداۋدىڭ كۇشەيۋى مەن وڭىردەگى مال شارۋاشىلىعى فەرمالارىنىڭ كوبەيۋىمەن بايلانىستى. قازىرگى تاڭدا وبلىستا 426 مىڭنان استام ءىرى قارا, 264 مىڭعا جۋىق جىلقى جانە 10 ميلليونعا جۋىق قۇس تىركەلگەن. جىل باسىنان بەرى 25 مىڭ توننا ەت, 33 مىڭ توننا ءسۇت وڭدەلىپ, ايران, سارى ماي سىندى ونىمدەردىڭ كولەمى ارتتى. جالپى, ازىق-ت ۇلىك ونىمدەرىنىڭ ءوندىرىسى 13,7 پايىزعا كوبەيگەن.

اۋىل شارۋاشىلىعىن دامىتۋ ماقساتىندا وڭىردە جالپى قۇنى 46,5 ملرد تەڭگەنى قۇرايتىن 20 ينۆەستيتسيالىق جوبا ىسكە اسىرىلىپ جاتىر. بۇل جوبالار ءسۇت فەرمالارىن, ەت وڭدەۋ زاۋىتتارىن, استىق پەن كوكونىس ساقتايتىن قويمالاردى, سونداي-اق سۋارۋ جۇيەلەرىن سالۋدى قامتيدى.

 «2025 جىلعى كوكتەمگى ەگىس ناۋقانىنا دايىندىق تا جوعارى دەڭگەيدە جۇرگىزىلىپ جاتىر. بيىل وڭىردە اۋىل شارۋاشىلىعى داقىلدارى 5,2 ملن گەكتار القاپقا سەبىلەدى. نەگىزگى باسىمدىق – مايلى داقىلدارعا بەرىلمەك. ولاردىڭ پايداسى ءداندى داقىلدارعا قاراعاندا اناعۇرلىم جوعارى بولعاندىقتان, بيىل ەگىس كولەمى وتكەن جىلمەن سالىستىرعاندا 161 مىڭ گەكتارعا ارتتى. قازىرگى تاڭدا 540 مىڭ توننا تۇقىمنىڭ ءبارى تەكسەرىلىپ, ساپالى دەپ تانىلدى. دايىندىق اياسىندا 37 مىڭنان استام تەحنيكا جوندەلىپ, جۇمىسقا ساقاداي ساي تۇر. مەملەكەتتەن نارىقتاعى باعادان تومەن باعادا 82,9 مىڭ توننا جەڭىلدەتىلگەن ديزەل وتىنى ءبولىندى», دەلىنگەن حابارلامادا.

وڭىردە ءسۇت ءوندىرىسىن دامىتۋعا باسا نازار اۋدارىلعان. وتكەن جىلى 5 زاماناۋي ءسۇت-تاۋار فەرماسى ىسكە قوسىلىپ, 5,4 مىڭ باسقا ارنالعان جاڭا كەشەندەر سالىنعان. 2025 جىلى اتباسار, زەرەندى, بۋراباي اۋداندارىندا تاعى 5 فەرما اشۋ جوسپارلانعان. بۇل وبلىس بويىنشا ءسۇت ءوندىرىسىن 70 مىڭ تونناعا دەيىن ارتتىرۋعا مۇمكىندىك بەرەدى.

اقمولا وبلىسى ەكسپورت الەۋەتىن دە ارتتىرىپ وتىر. 2024 جىلى وڭىردەن قىتاي, يران, يتاليا, لاتۆيا, وزبەكستان سەكىلدى ەلدەرگە 2,5 ميلليون توننادان استام استىق ەكسپورتتالعان. جاقىندا ەستونياداعى Muuga پورتىمەن ىنتىماقتاستىق تۋرالى مەموراندۋمعا قول قويىلدى. بۇل قادام اقمولا ونىمدەرىن ەۋروپا نارىعىنا شىعارۋدىڭ جاڭا جولدارىن اشادى. سونىمەن بىرگە ەت, ءسۇت ونىمدەرى, ماي, جۇمىرتقا مەن ءتىپتى ءتىرى مال دا شەتەلگە جونەلتىلىپ جاتىر.

«فەرمەرلەر مەملەكەتتەن جەڭىلدەتىلگەن نەسيەلەر, سۋبسيديالار, تەحنيكا جانە تىڭايتقىشتار الىپ وتىر. مىسالى, تەك مينەرالدى تىڭايتقىشتار ءۇشىن 12 ملرد تەڭگە بولىنسە, اۋىل شارۋاشىلىعىن قارجىلاندىرۋدىڭ جالپى كولەمى 700 ملرد تەڭگەگە جەتتى. الايدا ەندى مەملەكەتتىك قولداۋدى الۋ ءۇشىن شارۋاشىلىقتار ءوندىرىستىڭ ناقتى ءوسىمىن كورسەتۋى ءتيىس. ناتيجە بولمايىنشا, كومەك توقتاتىلۋى مۇمكىن.قازىرگى تاڭدا وبلىستا 67 قايتا وڭدەۋ كاسىپورنى جۇمىس ىستەيدى. ونىڭ ىشىندە 16-سى – ەت, 15-ءى – ءسۇت, 28-ءى – ۇن ونىمدەرىن وڭدەۋمەن اينالىسادى. ءسۇتتى وڭدەۋ دەڭگەيى 87 پايىزعا, ال ەت- 78 پايىزعا جەتتى. بۇل – ازىق-ت ۇلىك ونىمدەرىنىڭ وڭىردە ءوندىرىلىپ, قايتا وڭدەلۋ ارقىلى وڭىرلىك ەكونوميكانىڭ تۇراقتىلىعىنا ۇلەس قوسىپ وتىرعانىن بىلدىرەدى», دەلىنگەن حابارلامادا. 

اقمولا وبلىسى اۋىل شارۋاشىلىعىن دامىتۋ, ءونىم ءوندىرۋ مەن قايتا وڭدەۋدى كۇشەيتۋ ارقىلى ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋگە زور ۇلەس قوسىپ وتىر.