امەريكالىق كاسىپكەر بلەيك مايكوسكي ارگەنتينادا دەمالىپ جۇرگەندە, كوپتەگەن كەدەي بالالاردىڭ كوشەدە جالاڭاياق جۇرگەنىن بايقايدى. وسى كورىنىس وعان ەرەكشە اسەر ەتىپ, كاسىبىن قايىرىمدىلىقپەن ۇشتاستىرعان.
سوندا قالاي دەيسىز عوي؟ بلەيك ويلانا كەلە اياقكيىم وندىرەتىن «Toms Shoes» كومپانياسىن قۇرادى. كاسىپورىن ءونىمىنىڭ ايتارلىقتاي ەرەكشەلىگى جوق. بىراق ولاردىڭ قاعيداسى تالاي جاندى تاڭعالدىردى. ماسەلەن, ءسىز ءبىر اياقكيىم ساتىپ الساڭىز, ءدال سونداي اياقكيىم ءبىر مۇقتاج بالاعا سىيلانادى. ۇشەۋ الساڭىز, ءۇش بالانى قۋانتاسىز. بىلايشا ايتقاندا, ساۋدا جاساپ ساۋاپ جينايسىز. وسى ەرەجەنى مىقتاپ ۇستانعان «Toms Shoes» كومپانياسى 2012 جىلعا قاراي 40 ەلدىڭ ميلليوننان استام بالاسىنا تەگىن اياقكيىمدى تارتۋ ەتكەن.