ولار ەكى قالادا ۇزاق ۋاقىت بويى ستۋدەنتتەرگە قوقان-لوققى كورسەتكەن, دەپ حابارلايدى Egemen.kz.
پاۆلودار وبلىسى پوليتسيا دەپارتامەنتىنىڭ جەدەل ۋاكىلدەرى ەكى قالادا ۇزاق ۋاقىت بويى جوعارى وقۋ ورىندارى مەن كوللەدج ستۋدەنتتەرى اراسىندا بوپسالاۋمەن اينالىسقان مارگينالدى جاستار اراسىنان ەكى ادامدى ۇستاۋ بويىنشا ءساتتى وپەراتسيا جۇرگىزدى.
بۇل ادامدار جاس جىگىتتەرگە قاتىستى فيزيكالىق كۇش قولدانىپ, ولاردان اقشا قاراجاتىن, تاۋارلىق جانە اقشالاي نەسيە بەرۋدى تالاپ ەتكەن. الدىن الا مالىمەتتەر بويىنشا, ۇستالعاندار بوپسالاۋعا بايلانىستى 10-نان استام قۇقىقبۇزۋشىلىق جاساعان. بۇل ولاردىڭ جۇيەلى تۇردە قىلمىسقا قاتىسى بار ەكەنىن راستايدى.
ۇقكب قىزمەتكەرلەرى بىرقاتار ءىس-شارا وتكىزىپ, قاسكۇنەمدەردىڭ كىناسىن دالەلدەۋگە جانە ولاردى ۇستاۋعا مۇمكىندىك بەرەتىن دالەلدەر جينالدى.
– پوليتسيا وڭىردەگى ستۋدەنتتەر مەن جاستاردىڭ قاۋىپسىزدىگىن قامتاماسىز ەتۋ بويىنشا بەلسەندى جۇمىس جۇرگىزۋدى جالعاستىرۋدا. بۇل وپەراتسيا قىلمىسقا قارسى كۇرەستە جانە ازاماتتاردىڭ قۇقىقتارىن قورعاۋدا ءبىزدىڭ ۇستانىمىمىزدىڭ جارقىن مىسالى بولىپ تابىلادى, – دەپ اتاپ ءوتتى پاۆلودار وبلىسى پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ باستىعى عابيت قابدراحمانوۆ.
پوليتسيا دەپارتامەنتى ازاماتتاردى ساق بولۋعا, بوپسالاۋ جانە باسقا دا قۇقىق بۇزۋشىلىقتار تۋرالى حابارلاۋعا شاقىرادى.