مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ سىرتقى ساياساتىن جۇزەگە اسىرۋعا, شەت مەملەكەتتەرمەن دوستىق قارىم-قاتىناستاردىڭ ورناتىلۋى مەن دامۋىنا قوسقان ەلەۋلى ۇلەسى ءۇشىن مەملەكەت قايراتكەرى, ديپلوماتيالىق قىزمەت ارداگەرى تىلەۋحان قابدراحمانوۆ ءى دارەجەلى «دوستىق» وردەنىمەن ناگرادتالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
تىلەۋحان قابدراحمانوۆ 1945 جىلدىڭ 29 ساۋىرىندە قازىرگى اباي وبلىسى, جاڭاسەمەي اۋدانى, تەرەڭقۇدىق اۋىلىندا دۇنيەگە كەلگەن.
1973 جىلى پاتريس لۋمۋمبا اتىنداعى حالىقتار دوستىعى ۋنيۆەرسيتەتىنىڭ «ەكونوميكا جانە حالىق شارۋاشىلىعىن جوسپارلاۋ» ماماندىعى بويىنشا ەكونوميكا جانە قۇقىق فاكۋلتەتىن تامامداعان.
1991 جىلى كسرو مينيسترلەر كەڭەسى جانىنداعى حالىق شارۋاشىلىعى اكادەمياسىن ەكونوميكالىق باسقارۋ ادىستەرى بويىنشا جەتەكشى مامان ماماندىعى بويىنشا بىتىرگەن. ەڭبەك جولىن 1963 جىلى نوۆگورود تەلەۆيزيالىق زاۋىتىندا سلەسار-جيناۋشى بولىپ باستاعان.
1973-1978 جىلدارى-ينجەنەر-ەكونوميست, قازاق كسر مەملەكەتتىك جوسپارىنىڭ باس مامانى.
1978-1990 جىلدارى-قازاق كسر مەملەكەتتىك جوسپارى ءبولىمىنىڭ باستىعى.
1990-1991 جىلدارى-قازاق كسر ەكونوميكا جونىندەگى مەملەكەتتىك كوميتەتى توراعاسىنىڭ ءبىرىنشى ورىنباسارى.
1991-1993 جىلدارى-قازاقستان رەسپۋبليكاسى ەكونوميكا جونىندەگى مەملەكەتتىك كوميتەتىنىڭ توراعاسى, قازاقستان رەسپۋبليكاسى ۇكىمەتىنىڭ مۇشەسى.
1993-1996 جىلدارى - قازاقستان رەسپۋبليكاسىنىڭ فرانتسيا رەسپۋبليكاسىنداعى توتەنشە جانە وكىلەتتى ەلشىسى;قازاقستان رەسپۋبليكاسىنىڭ يۋنەسكو جانىنداعى تۇراقتى وكىلى.
1996-2003 جىلدارى-قازاقستان رەسپۋبليكاسىنىڭ جاپونياداعى توتەنشە جانە وكىلەتتى ەلشىسى.
2003-2006 جىلدارى-قر وزبەكستان رەسپۋبليكاسىنداعى توتەنشە جانە وكىلەتتى ەلشىسى.
2006-2008 جىلدارى-قر ليتۆا رەسپۋبليكاسىنداعى توتەنشە جانە وكىلەتتى ەلشىسى.
2006-2008 جىلدارى-قازاقستان رەسپۋبليكاسىنىڭ لاتۆيا رەسپۋبليكاسىنداعى, ەستونيا رەسپۋبليكاسىنداعى توتەنشە جانە وكىلەتتى ەلشىسى قىزمەتىن اتقارعان.