كەيدە الەمدى ءدۇر سىلكىندىرگەن ۇلى ۇراندار كۇتپەگەن جەردەن تۋادى. ماسەلەن, سپورت تاريحىنداعى ەڭ تانىمال ءسوز تىركەستەرىنىڭ ءبىرى — «Nike» كومپانياسىنىڭ «Just Do It» («جاي عانا ىستەپ كور») ۇرانى – تاڭعالارلىق ءارى توسىن وقيعادان باستاۋ العان.
1977 جىلى قاراقشىلىقپەن اتى شىققان گەري گيلمور ەسىمدى قىلمىسكەر اتۋ جازاسىنا كەسىلگەن. ءولىم جازاسىن ورىنداۋ الدىندا وعان سوڭعى ءسوزىن ايتۋعا رۇقسات ەتىلەدى. سول ساتتە گيلمور ەش قوبالجىماستان: «Let’s do it» («كەتتىك, ىستەيىك») دەگەن قىسقا عانا سويلەم ايتادى. كەيىن وسى ءسوز تىركەسىنەن «Nike» كومپانياسى شابىت الىپ, ايگىلى «Just Do It» ۇرانىنىڭ پايدا بولۋىنا نەگىز بولدى. بۇل تىركەس سودان بەرى باتىلدىقتىڭ, تاباندىلىقتىڭ نىشانىنا اينالدى.