جەتىسۋدا ۆەتەريناريا سالاسى دامىپ كەلەدى. وبلىس قۇرىلعانعا دەيىن 5 قانا ۆەتەرينارلىق پۋنكت بولسا, بۇگىندە ولاردىڭ سانى 50-گە جەتتى (49 ۆەتپۋنكت, 1 ۆەتستانتسيا). بيىل تاعى 17 ۆەتپۋنكت پەن 3 ۆەتستانتسيا سالۋ جوسپارلانعان, دەپ حابارلايدى Egemen.kz.
سالانىڭ ماتەريالدىق-تەحنيكالىق بازاسى جاڭارتىلىپ, ماماندارعا قولايلى جاعداي جاسالدى. سوڭعى جىلدارى 45 ارنايى اۆتوكولىك, 217 كومپيۋتەر, 238 پلانشەت جانە باسقا دا جابدىقتار ساتىپ الىندى. بيىل تاعى 22 تەحنيكا الۋ كوزدەلگەن. سونىمەن قاتار, ۆەتەرينارلاردىڭ جالاقىسى ءوستى: دارىگەرلەر – 327 مىڭ, فەلدشەرلەر – 206 مىڭ, سانيتارلار – 208 مىڭ تەڭگە الادى.
وڭىردەگى 2,5 ملن اۋىل شارۋاشىلىعى جانۋارى تۇگەل بىردەيلەندىرىلىپ, دەرەكقورعا ەنگىزىلگەن. «ISZH-Mobile» قوسىمشاسىنىڭ ىسكە قوسىلۋىمەن ۆەتەرينارلار پلانشەت ارقىلى تىركەۋ, ەكپە جاساۋ جۇمىستارىن جەدەل ءارى ءتيىمدى اتقارۋدا.
جانۋارلاردىڭ قاۋىپتى اۋرۋلارى ازايىپ, 12 وشاق 4-كە دەيىن قىسقارعان. 26 كومىندى سانيتارلىق تالاپتارعا ساي جابدىقتالىپ, بۇل باعىتتاعى جۇمىستار جالعاسىپ جاتىر.