سوت بارىسىندا تاعى ءبىر كۋاگەر — دارحاننىڭ باسقا ءبىر سىنىپتاسى, جانىبەك امىراقىن جاۋاپ بەردى, دەپ حابارلايدى Egemen.kz.
ول قازىرگى ۋاقىتتا تالعار اۋداندىق پاترۋلدىك پوليتسيا قىزمەتكەرى رەتىندە جۇمىس ىستەيدى. جانىبەك وقيعا ورنىنا شۇعىل شاقىرتۋ بويىنشا بارعانىن, جەدەل ىزدەستىرۋ كەزىندە Volkswagen Golf ماركالى كولىكتى تاۋىپ, دارحان اسكەنتايدى ۇستاعانىن جانە ونى اۋداندىق پوليتسيا بولىمشەسىنە جەتكىزگەنىن باياندادى.
ايتا كەتەيىك, بۇل اتىشۋلى ىسكە قاتىستى بەسىنشى سوت وتىرىسى. بۇعان دەيىن جابىرلەنۋشىلەردەن جاۋاپ الىنعان بولسا, قازىرگى ۋاقىتتا كۋاگەرلەردىڭ سوزدەرى تىڭدالىپ جاتىر. كەشە ەلميرا نۇربەكوۆانىڭ بەرگەن جاۋابىنا قاتىستى پروكۋرور تاراپىنان كۇمان كەلتىرىلىپ, ونىڭ جاۋابىن كۇماندى دەپ تانۋ ۇسىنىلعان بولاتىن. الايدا بۇل ماسەلە بويىنشا سوت توراعاسى ازىرگە ناقتى شەشىم قابىلداعان جوق.
ىسكە قاتىستى سوت پروتسەسى ءالى دە جالعاسۋدا.