اباي وبلىسىنىڭ اكىمى بەرىك ءۋالي سەمەي قالاسىنداعى قاراعايلى ىقشام اۋدانىندا سالىنىپ جاتقان تۇرعىن ۇيلەردىڭ قۇرىلىسىمەن تانىستى.
قازىرگى تاڭدا اتالعان ىقشام اۋداندا 9 قاباتتى 18 كرەديتتىك تۇرعىن ءۇي سالىنىپ جاتىر. ونىڭ ون ءۇشىنىڭ قۇرىلىسى بىلتىر باستالعان. جىل سوڭىنا دەيىن پايدالانۋعا بەرىلەدى دەپ جوسپارلانىپ وتىر. ال قالعان 5 ءۇيدىڭ قۇرىلىسى جازدا اياقتالادى.
بيىل وبلىستا جالدامالى تۇرعىن ۇيلەردى ساتىپ الۋعا رەسپۋبليكالىق بيۋدجەتتەن 2 ميلليارد تەڭگەدەن استام قارجى بولىنگەن. بۇعان 149 پاتەردى ساتىپ الۋ كوزدەلگەن.
وبلىس اكىمى قاراعايلى ىقشام اۋدانىندا سالىنىپ جاتقان تۇرعىن ۇيلەردى ارالاپ, مەردىگەرلەرگە قۇرىلىستى مەرزىمىندە ءارى ساپالى اياقتاۋدى تاپسىردى.
«سەمەي قالاسىندا 14 مىڭنان استام ادام باسپانا كەزەگىندە تۇر. سوندىقتان تۇرعىن ءۇي قۇرىلىسىنىڭ قارقىنىن ارتتىرۋىمىز كەرەك. قاراعايلىدا سالىنىپ جاتقان 18 ءۇي مىڭداعان وتباسىنىڭ باسپانالى بولۋىنا مۇمكىندىك بەرەدى. ءبىز بۇل باعىتتاعى جۇمىستى جالعاستىرا بەرەمىز», دەدى ايماق باسشىسى.
اباي وبلىسى