E-Qazyna ەلەكتروندى ساۋدا پلاتفورماسىندا مەملەكەتكە قايتارىلعان زەرگەرلىك بۇيىمدار اۋكتسيون ارقىلى ساتىلدى. ساۋداعا شىعارىلعان زاتتار قاتارىندا ايگىلى CARTIER برەندىنە تيەسىلى LOVE بىلەزىگى مەن ساقيناسى, سونداي-اق اكۆامارين, ءزۇبارجات جانە گاۋھار تاستارمەن اسەمدەلگەن اشەكەيلەر بولدى, دەپ حابارلايدى Egemen.kz.
ساتىلىم قورىتىندىسى بويىنشا مىناداي قارجى جينالدى:
CARTIER LOVE بىلەزىگى مەن ساقيناسى ءۇشىن 2,6 ميلليون تەڭگە تولەندى; اكۆامارين تاسى ورناتىلعان جۇزىك 1,6 ميلليون تەڭگەگە ءوتتى; گاۋھار جانە زۇبارجاتپەن ارلەنگەن سىرعالار 612 مىڭ تەڭگەگە ساتىلدى.جالپى ەسەپتەگەندە اۋكتسيوننان 5 425 246 تەڭگە تابىس ءتۇستى. بۇل قاراجات ارنايى مەملەكەتتىك قورعا اۋدارىلىپ, الداعى ۋاقىتتا الەۋمەتتىك باستامالاردى قولداۋعا جۇمسالماق.
ەسكە سالايىق, بىلتىر استانادا وليگارحتاردان تاركىلەنگەن ءبىر ۇلكەن ساراي 473 ميلليون تەڭگەگە ساتىلعان ەدى. سونىمەن بىرگە, بۇرىنعى شەنەۋنىك كارىم ماسىموۆتەن الىنعان م ۇلىكتىڭ ءبىر بولىگى ءالى دە بولسا ساتىلىمعا شىعارىلماعان.