وتان قورعاۋشىلار كۇنى مەن جەڭىستىڭ 80 جىلدىعىن مەرەكەلەۋ قارساڭىندا قورعانىس مينيسترلىگىنە قاراستى جامبىل اۋداندىق پايدالانۋ ءبولىمىنىڭ (جامبىل اپب) اسكەري قىزمەتشىلەرى تاراز قالاسىندا تۇراتىن ەكىنشى دۇنيەجۇزىلىك سوعىسىنىڭ ارداگەرى تۇراتىن ءۇيدىڭ كىرەبەرىس قاسبەتىن رەتكە كەلتىردى, دەپ جازادى Egemen.kz.
مايدانگەرگە جىل سايىن باراتىن اسكەري قىزمەتشىلەر يۆان فەدوروۆيچ ماكەەۆ تۇراتىن 5 قاباتتى ءۇيدىڭ كىرەبەرىسىنىڭ تۇرپاتىنا الاڭداپ جۇرەدى ەكەن, جوندەۋ جۇمىسىن جۇرگىزۋگە شەشىم سولاي قابىلدانعان.
جامبىل اپب اسكەري قۇرىلىس-جوندەۋ توبىنىڭ كۇشىمەن باسپالداقتار قالپىنا كەلتىرىلىپ, قابىرعالار سىلاندى, كىرەبەرىستىڭ توبەسى جوندەلدى. اتالعان جۇمىستىڭ سوڭعى كەزەڭىندە تاراز گارنيزونى بايلانىس پولكىنىڭ اسكەري قىزمەتشىلەرى كەلىپ قوسىلعان. ولار قۇرىلىسشىلارعا قوقىستاردى جيناۋعا جاردەمدەسىپ, ءبورديۋردى اقتاعان.
كىرەبەرىستىڭ قاسبەتىن جاڭارتۋ ەش قيىندىق تۋعىزباعانىن ايتىپ, ونى ءىس جۇزىندە جۇزەگە اسىرعان اسكەريلەردىڭ اتالعان جاردەمىنە 98 جاستاعى يۆان فەدوروۆيچ ءدان ريزا بولىپ, العىسىن ايتتى. اسكەريلەرگە مايدانگەر عانا ەمەس, كىرەبەرىستىڭ بارلىق تۇرعىندارى ريزاشىلىقتارىن ءبىلدىردى.
اكتسيا – الەمدى فاشيزمنەن ازات ەتكەن ارداگەرلەرگە كورسەتىلگەن قۇرمەت سانالادى.