سولتۇستىك قازاقستان وبلىسى ايىرتاۋ اۋدانىنداعى سارىوزەك اۋىلى بولاشاعى جوق اۋىل ساناتىنا كىرىپ, وسىدان ون شاقتى جىل بۇرىن تۇرعىندارى تولىق كوشىپ كەتكەن ەدى, دەپ جازادى Egemen.kz.
الايدا ءىى دۇنيەجۇزىلىك سوعىستا شەيىت بولعان اۋىل تۇرعىندارىنا قويىلعان ەسكەرتكىش ونىڭ ورنىن كورسەتىپ, قۇلاماي تۇراتىن ەدى.
جۋىردا اۋدان ورتالىعىنداعى «امانات» پارتياسى فيليالىنىڭ اپپاراتى مەن جاستار رەسۋرسىندا قىزمەت ىستەيتىن سارىوزەكتىكتەر بىرىگىپ, اۋىلداعى ەسكەرتكىشتى بالا-شاعاسىمەن بارىپ, جوندەپ, سىرلاپ, جاڭعىرتىپ, قايتتى.
«بۇل ءبىزدىڭ سوعىس قۇرباندارىنا كورسەتكەن قۇرمەتىمىز. ولار دا وتان ءۇشىن دەپ كەۋدەلەرىن وققا تىگىپ, شەيىت بولدى عوي», دەيدى «امانات» پارتياسى فيليالىنىڭ اتقارۋشى حاتشىسى اسەت قوجاحمەتوۆ.
سولتۇستىك قازاقستان وبلىسى