سولتۇستىك قازاقستان وبلىسى اكىمدىگىنىڭ اۋىلشارۋاشىلىعى جانە جەر قاتىناستارى باسقارماسىنىڭ باستىعى داۋرەن توقۋشىنوۆ تۇراقتىلىق قورىنا ساقتالعان الەۋمەتتىك ماڭىزى بار ازىق-ت ۇلىك تاۋارلارى قاتارىنداعى كارتوپ وتپەي جاتقانىن مالىمدەدى, دەپ حابارلايدى Egemen.kz.
«رىنوكتاعى باعاسى قىمباتتاسا دا كيلوگرامى 115 تەڭگە بولاتىن 12 توننا جانە 200 تەڭگە بولاتىن 800 كيلوگرامم كارتوپ تۇراقتىلىق قورىنىڭ قويمالارىندا جاتىر. حالىق ءبىزدىڭ ارزان كارتوپتارىمىزدى الماي «يۋجنىي» بازارىنان كيلوگرامى 300-350 تەڭگە تۇراتىن كارتوپتى الادى. ءبىز ايىنا 200 توننا كارتوپ ساتاتىن شىعارمىز دەپ جوسپارلاعان ەدىك, بىراق ودان الدەقايدا از ساتىپ جاتىرمىز. وسىعان قاراعاندا حالىقتىڭ قاراجاتى جەتكىلىكتى سياقتى», دەيدى ول.
قازىر وتپەي جاتقان كارتوپ ءشىرىپ كەتپەس ءۇشىن جەكەمەنشىك كومپانيالارعا بەرىلىپ جاتقان كورىنەدى. ولار كۇزدە وسى باعامەن تۇراقتىلىق قورىن كارتوپپەن تولتىرماق.
پەتروپاۆل