وزبەكستاندا ورتالىق ازياداعى العاشقى شوكولاد مۋزەيى جۇمىسىن باستادى. جوبا «Iman Chocolate & Fruits» كومپانياسىنىڭ باستاماسىمەن جۇزەگە اسقان.
ەكسپوزيتسيادا كونە وركەنيەتتەردىڭ تاعام مادەنيەتى, سونداي-اق الەمگە ايگىلى ساۋلەت تۋىندىلارى مەن تاريحي تۇلعالاردىڭ شوكولادتان جاسالعان مۇسىندەرى قويىلعان. مۇندا بارلىعى 19 ەكسپونات بار. كورمەدە تاشكەنت پەن سامارقاندتاعى ايگىلى مەدرەسەلەر, الىشەر ناۋاي مەن ءامىر تەمىردىڭ بەينەلەرى, سونداي-اق ءتاج-ماحال, ەيفەل مۇناراسى, ازاتتىق ءمۇسىنى, كوليزەي مەن تانوستىڭ قولى سياقتى جاھاندىق رامىزدەر شوكولاد تۇرىندە بەينەلەنگەن. بۇل مادەني جوبا وزبەكستانداعى گاسترونوميالىق ءتۋريزمدى دامىتۋدىڭ جاڭا ءبىر باعىتىنا اينالماق.