ەلوردادا اباي قۇنانباي ۇلىنىڭ 180 جىلدىعىنا وراي, قالانىڭ باستى نىساندارىنىڭ بىرىنە اينالعان شولۋ دوڭگەلەگىندە LED جارىقتاندىرۋ ارقىلى ۇلى اقىننىڭ پورترەتى بەينەلەندى, دەپ حابارلايدى Egemen.kz.
دياگونالى 65 مەتردى قۇرايتىن الىپ ينستاللياتسيا 53 مىڭ پيكسەلدەن تۇرادى جانە تۇنگى قالا كەلبەتىنە كورىك بەرىپ, الىستان انىق كورىنەدى. ابايدىڭ بەينەسى سارىارقا مەن تۇران داڭعىلدارىنان, سونداي-اق قورعالجىن تاس جولى جاعىنان كوزگە تۇسەدى.
بۇل باستاما ۇلى تۇلعانىڭ رۋحاني مۇراسىن ۇلىقتاۋعا باعىتتالعان. جوبا اۆتورلارى ينستاللياتسيانى ودان ءارى تولىقتىرىپ, شولۋ دوڭگەلەگى ارقىلى اباي قۇنانباي ۇلىنىڭ قاناتتى سوزدەرى مەن ولەڭ جولدارىن جاريالاۋدى جوسپارلاپ وتىر.