بيىلدان باستاپ 23 ءساۋىر – ۇلتتىق كىتاپ كۇنى بولىپ بەلگىلەندى. اتاۋلى كۇنگە وراي پرەزيدەنت قاسىم-جومارت توقاەۆ قازاقستاندىقتاردى قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ەستەرىڭىزگە سالا كەتەيىك, بىلتىر اتىراۋدا وتكەن ۇلتتىق قۇرىلتايدا مەملەكەت باسشىسى ۇلتتىق كىتاپ كۇنىن بەلگىلەۋ جونىندە تاپسىرما بەرگەن بولاتىن.«بيىل العاش رەت اتالىپ جاتقان ۇلتتىق كىتاپ كۇنى قۇتتى بولسىن! بۇل – بىلىمپازدىق, ىزدەنىمپازدىق, كىتاپقۇمارلىق سياقتى يگى قاسيەتتەردى دارىپتەيتىن كۇن. كىتاپ وقىعان ۇرپاق وزىق ويلى بولادى. ساپالى ۇلت وسىنداي قۇندىلىقتار ارقىلى قالىپتاسادى», دەلىنگەن قۇتتىقتاۋدا.