الماتى قالاسىندا تاكسي جۇرگىزۋشىسىنە شابۋىل جاساعان جولاۋشىعا قاتىستى قىلمىستىق ءىس قوزعالدى, دەپ حابارلايدى Egemen.kz.
وقيعانىڭ بەينەجازباسىن تاكسي جۇرگىزۋشىسى ءارى بلوگەر ۆلاد كراۆچۋك ءوزىنىڭ TikTok پاراقشاسىندا جاريالاعان. بەينەجازبادا كراۆچۋك جولاۋشىلاردان كولىك سالونىندا شىلىم شەكپەۋىن سۇراعان. الايدا بۇل وتىنىشتەن كەيىن ولاردىڭ ءبىرى اگرەسسيالىق مىنەز كورسەتىپ, جۇرگىزۋشىنى بالاعاتتاپ, كەيىنىرەك ونىڭ باسىنان ۇرىپ جىبەرگەن.
قالالىق پوليتسيا دەپارتامەنتى اتالعان وقيعاعا قاتىستى تەرگەۋ امالدارى جۇرگىزىلىپ جاتقانىن مالىمدەدى.
«مەدەۋ اۋداندىق پوليتسيا باسقارماسى قىلمىستىق كودەكستىڭ ءتيىستى بابى بويىنشا ءىس قوزعاپ, سوت-مەديتسينالىق ساراپتاما تاعايىندادى. قازىرگى ۋاقىتتا تەرگەۋ امالدارى جۇرگىزىلىپ جاتىر», دەلىنگەن حابارلامادا.
ايتا كەتەيىك, قازىرگى تاڭدا جۇرگىزۋشىگە قول كوتەرگەن كۇدىكتى ىزدەستىرىلىپ جاتىر.