مەملەكەت باسشىسى قاسىم-جومارت توقاەۆ پەن تۇرىكمەنستان حالك ماسلاحاتىنىڭ توراعاسى گۋربانگۋلى بەردىمۇحامەدوۆ قوجا احمەت ياساۋي كەسەنەسىنە باردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مارتەبەلى مەيماندار ايگىلى ويشىلدىڭ رۋحىنا تاعزىم ەتىپ, قۇران باعىشتادى. تۇركى تىلدەس ەلدەرگە ورتاق ەڭ كورنەكتى رۋحاني جانە تاريحي-مادەني ەسكەرتكىشتەردىڭ ءبىرى, يۋنەسكو بۇكىلالەمدىك مۇرالار تىزىمىنە ەنگەن كەسەنەدە جۇرگىزىلىپ جاتقان رەستاۆراتسيالىق جانە عىلىمي-زەرتتەۋ جۇمىستارىمەن تانىستى.